မြန်မာဆိုင်ကလုန်း အကူအညီအတွက်

နာဂစ်မုန်တိုင်း ဒုက္ခသည်များကို ကူညီရန် လှူဒါန်းမည့်နိုင်ငံများမှ ဒေါ်လာ သန်း (၁၀၀) ကျော် အထောက်အပံ့ပေးရန် အသင့်ဖြစ်နေသော်လည်း မြန်မာစစ်အစိုးရက မုန်တိုင်းအထိနာဆုံး ဒေသများသို့ လွတ်လွတ်လပ်လပ် သွားရောက်ခွင့် မပေးခဲ့ပါက အပြည့်အ၀ ကူညီမည်မဟုတ်ဟု အလှူရှင်နိုင်ငံများက ပြောကြားသည်။
ယမန်နေ့၌ ပြုလုပ်သည့် မြန်မာနိုင်ငံ လေမုန်တိုင်းဘေးဒုက္ခ ကယ်ဆယ်ရေး အလှူရှင် (၅၁) နိုင်ငံတို့၏ အစည်းအဝေးအပြီးတွင် ကုလသမဂ္ဂအတွင်းရေးမှူးချုပ် ဘန်ကီမွန်းက တံခါးပိတ်ဝါဒ ကျင့်သုံးနေသော မြန်မာစစ်အစိုးရအနေဖြင့် မုန်တိုင်းအထိနာသည့် ဧရာဝတီမြစ်ဝကျွန်းပေါ် ဒေသသို့ နိုင်ငံတကာ ကယ်ဆယ်ရေးလုပ်သားများကို အတားအဆီးမရှိ သွားရောက်ခွင့်ပြုရန် အလှည့်အပြောင်းတခု လုပ်ချိန်တန်နေပြီဟု သူ့အနေဖြင့် ယုံကြည်ကြောင်း အေပီသတင်းဌာနသို့ ပြောကြားသည်။ “ဒီအစည်းအဝေးဟာ မြန်မာအစိုးရကို ပိုပြီး ပျော့ပျောင်း၊ ပိုပြီး လက်တွေ့ဆန်စေဖို့၊ တကယ့်အဖြစ် မှန်တွေကို ရင်ဆိုင်နိုင်စေဖို့ အလှည့်အပြောင်းတခု ဖြစ်စေနိုင်မယ်လို့ ကျနော်အကောင်းမြင်မိပါ တယ်” ဟု ဘင်ကီမွန်းက ပြောသည်။မစ္စတာ ဘန်ကီမွန်းသို့ရာတွင် မြန်မာစစ်ခေါင်းဆောင်များနှင့် အလှူရှင်နိုင်ငံကြီးများသည် သတိရှိရှိ ဆက်ဆံ ပြောဆို နေကြဆဲပင် ဖြစ်သည်။မြန်မာဝန်ကြီးချုပ် ဗိုလ်ချုပ်ကြီးသိန်းစိန်က အနှောင်အဖွဲ့များ မပါသည့် နိုင်ငံတကာ အကူအညီ များကို ကြိုဆိုကြောင်း၊ သို့သော် တိုက်ရိုက် ၀င်ရောက်ကူညီမှုမျိုးကို တားမြစ်ကြောင်း၊ သာမန် အရပ်သုံး သင်္ဘောများသာ ရန်ကုန်မှတဆင့် ကယ်ဆယ်ရေးလုပ်ငန်းများကို ၀င်ရောက်လုပ်ဆောင် ခွင့်ပြုမည်ဖြစ်ကြောင်း ပြောသည်။၎င်းက “ကယ်ဆယ်ရေး ထောက်ပံ့ပစ္စည်းတွေကို ကုန်းကြောင်း၊ လေကြောင်း၊ ရေကြောင်းကနေ ပို့ဆောင်လို့ ရပါတယ်။ ဒါပေမယ့် ထောက်ပံ့ပစ္စည်းတွေကို ရေလမ်းက ပို့မယ်ဆိုရင်တော့ အရပ် သင်္ဘောတွေသာ ရန်ကုန်ဆိပ်ကမ်းကို ဖြတ်သန်းခွင့်ရှိပါမယ်” ဟု ပြောသည်။ယင်းသို့ ပြောဆိုလိုက်ခြင်းသည် ကယ်ဆယ်ရေးလုပ်ငန်းတွင် ပူးပေါင်းဆောင်ရွက်ရန် လူသားချင်း စာနာထောက်ထားသည့် ထောက်ကူပစ္စည်းများ တင်ဆောင်လာသည့် အမေရိကန်၊ ဗြိတိန်နှင့် ပြင်သစ် စစ်ရေယာဉ်များကို ၀င်ခွင့်ပိတ်ဆို့လိုက်သည့်သဘောပင်ဖြစ်သည်။ ထိုစစ်ရေယာဉ်များမှာ လွန်ခဲ့သည့် တပတ်ကျော်ကတည်းက မြန်မာကမ်းရိုးတန်းအနီးသို့ ရောက်ရှိနေခြင်းဖြစ်သည်။ ၀န်ကြီးချုပ်သိန်းစိန်က နိုင်ငံတကာမှ လူသားချင်းစာနာထောက်ထားသည့် ထောက်ပံ့ပစ္စည်းများ စုစုပေါင်း တန်ချိန် (၃,၂၀၀) လက်ခံရရှိထားပြီဖြစ်ကြောင်း၊ ထိုစာရင်းများထဲတွင် အရေးပေါ် လိုအပ်သည့်ပစ္စည်းများ၊ ယာယီနေထိုင်တဲများ၊ ဆန်များ၊ ဓာတ်မြေသြဇာနှင့် ငါးဖမ်းလှေများ ပါဝင်သည်ဟု ပြောသည်။မြန်မာအစိုးရက မုန်တိုင်းကြောင့် စီးပွားရေးအရ ထိခိုက်ပျက်စီးမှုမှာ စုစုပေါင်း ဒေါ်လာ သန်း (၁၁,၀၀၀) ရှိသည်ဟု ခန့်မှန်းထားပြီး ကုလသမဂ္ဂက အရေးပေါ် ဒေါ်လာ (၂၀၁) သန်း ရရှိရန် ဆောင်ရွက်ခဲ့သည်။ယမန်နေ့ အစည်းအဝေးတွင် ဥရောပ အသိုင်းအ၀န်းက ဒေါ်လာ (၇၂.၅) သန်း ကူညီမည်ဟု ကတိပြုထားပြီး နောက်ထပ် (၂၆.၈) သန်း ကူညီရန် ကမ်းလှမ်းထားသည်။ ထို့အပြင် တရုတ် နိုင်ငံက ဒေါ်လာ (၁၁) သန်း၊ သြစတြေးလျနိုင်ငံက ဒေါ်လာ (၂၄) သန်း၊ ဖိလစ်ပိုင်နိုင်ငံက ဒေါ်လာ သန်း (၂၀) နှင့် တောင်ကိုရီးယားနိုင်ငံက ဒေါ်လာ (၂.၅) သန်း စသဖြင့် အသီးသီး ကူညီမည်ဟု ကတိပြုထားကြသည်။ ကယ်ဆယ်ရေးလုပ်ငန်းများသည် အနည်းဆုံး (၆) လခန့် ကြာနိုင်မည်ဟု ဘန်ကီမွန်းက ခန့်မှန်း ထားသည်။
မြန်မာဆိုင်ကလုန်းဒဏ် ခံရသူများ ကယ်တင်ရေး အကူအညီပေးရန် ပင်လယ်ပြင်တွင် ရောက်ရှိ နေသော ပြင်သစ်စစ်သင်္ဘောမှာမူ မြန်မာအစိုးရက ၀င်ခွင့်မပေးသောကြောင့် ရန်ကုန်ရှိ စစ်အစိုးရ ၏ ခေါင်းမာမှုကို တအံ့တသြပြောဆိုရင်း ယနေ့တွင် နောက်ကြောင်းပြန်လှည့်သွားပြီဖြစ်သည်။”ထိုပြင်သစ်စစ်သင်္ဘောသည် ဧရာဝတီမြစ်ဝကျွန်းပေါ်ဒေသမှ လေဘေးဒုက္ခသည်များအတွက် ထောက်ပံ့ပစ္စည်း ရိက္ခာ တန်ချိန် (၁,၀၀၀) တင်ဆောင်လာခဲ့ခြင်းဖြစ်ပြီး ထိုရိက္ခာများကို ဖြန့်ဖြူး ရန်အတွက် ထိုင်းနိုင်ငံရှိ ကမ္ဘာ့စားနပ်ရိက္ခာ အစီအစဉ် (WFP) သို့ လွှဲပြောင်းပေးအပ်ခဲ့ရသည်ဟု ပြင်သစ်ကာကွယ်ရေးနှင့် နိုင်ငံခြားရေး ၀န်ကြီးဌာနတို့က အစီရင်ခံစာတစောင် ထုတ်ပြန်ပြောဆို ခဲ့ကြောင်း အေအက်ဖ်ပီသတင်းတွင် ဖော်ပြသည်။ ။

AP/ AFP ၂၆ မေ ၂၀၀၈