ကချင် အပစ်ရပ်ခေါင်းဆောင်များ နိုင်ငံရေးအဖွဲ့သစ်ဖွဲ့

ကချင်တိုင်းရင်းသား အပစ်အခတ်ရပ်စဲရေး ခေါင်းဆောင်များက ကချင်လူထုကို ကိုယ်စားပြုမည့် နိုင်ငံရေး အဖွဲ့သစ် တဖွဲ့ကို ဖွဲ့စည်း လိုက်ကြောင်း သိရသည်။
ကချင်ပြည်လွတ်လပ်ရေးအဖွဲ့(KIO) ၊ ကချင် ဒီမိုကရေစီသစ် တပ်မတော် (NDA-K) နှင့် ကချင် အတိုင်ပင်ခံ ကောင်စီ (KCC) တို့ပါဝင်သည့် အဆိုပါ အဖွဲ့ကို ယခုလအတွင်း ဖွဲ့စည်းလိုက်ခြင်းဖြစ်ပြီး KIO ဒု ဥက္ကဌ (၂) ဒေါက်တာ တူးဂျာက ဦးဆောင်သည်ဟု ယင်းအဖွဲ့နှင့် နီးစပ်သူများက ပြောသည်။
KIO နိုင်ငံခြားရေးတာဝန်ခံနှင့် ဒု ဥက္ကဌ (၁) ဗိုလ်ချုပ် ဇော်ဆိုင်းက“ကချင်လူထုအနေနဲ့ နိုင်ငံရေးပါတီ ဖွဲ့စည်း လှုပ်ရှားမှုမှာ ပူးပေါင်း ပါဝင်လာနိုင်ရေးအတွက် အခု ဖွဲစည်းမှုက ပထမ ခြေလှမ်းဖြစ်ပါတယ်”ဟု ဧရာဝတီသို့ ပြောသည်။
ယခုဖွဲ့စည်းလိုက်သော အဖွဲ့တွင် အဖွဲ့ဝင် အနည်းဆုံး ၅၀ ခန့်ပါဝင်ပြီး KIO နှင့် NDA-K အဖွဲ့များမှ ကိုယ်စား လှယ် ၁၀ ဦး စီ ပါဝင် ကြောင်း၊ KCC အဖွဲ့နှင့် တခြားသော အရပ်သားအဖွဲ့များက ဆက်သွယ်ပါဝင်လာရန် ကျန် ရှိသေးကြောင်း၊ အဖွဲ့၏ အမည်ကိုလည်း မရွေးချယ်ရသေးကြောင်း ၎င်းက ဆိုသည်။
“ဒီ အဖွဲ့ကို တရားဝင် နိုင်ငံရေးပါတီအဖြစ် ဖွဲ့စည်းခွင့်ရခဲ့ရင်တော့ အဖွဲ့အမည် ပေးရမှာပါ”ဟု ဗိုလ်ချုပ်ဇော်ဆိုင်း က ပြောဆိုသည်။
အဖွဲ့ဝင်များအနေနှင့် အသွင်ကူးပြောင်းရေးကာလ တခုအတွက် နောက်ဆုံးအချိန်အထိ နိုင်ငံရေး ပါတီတရပ်၏ တာဝန် များကို ထမ်းဆောင်ပြရမည်ဖြစ်ကြောင်းနှင့် ကချင်လူထု၏ စည်းလုံးမှုနှင့် ကူညီထောက်ပံ့မှုများရရှိရေး အတွက် စည်းရုံး ဆောင်ရွက်သွားရန် အစီစဉ်ရှိသည်ဟုလည်း ဆိုသည်။
ယင်းအဖွဲ့သည် ၂၀၁၀ ခုနှစ်တွင် မြန်မာ စစ်အစိုးရက ပြုလုပ်မည့် ရွေးကောက်ပွဲ အတွက် ပြင်ဆင်နေခြင်း ဖြစ်ကြောင်းနှင့် စစ်အစိုးရအနေနှင့် ယခုကဲ့သို့ နိုင်ငံရေး ပါတီဖွဲ့စည်းခွင့် ပေးမည်မပေးမည် ဆိုသည်ကို မသေချာ သေးကြောင်းလည်း သိရသည်။
ဇူလိုင်လ ၂၃ ရက်နေ့တွင် တရုတ် မြန်မာ နယ်စပ် အနီး ကချင်ပြည်နယ် လိုင်ဇာ မြို့၌ ကချင် ခေါင်းဆောင်များက ယခု အဖွဲ့သစ်နှင့် ကချင်လူထု မိတ်ဆက်ပွဲ ပြုလုပ်ခဲ့ရာ KIO ၊ NDA-K နှင့် KCC အဖွဲ့ဝင်များ အပါအ၀င် ပရိသတ် ၈၀၀ ခန့် တက်ရောက်ခဲ့သည်ဟု တက်ရောက်ခဲ့သူတဦးက ဆိုသည်။
ယခုအဖွဲ့သစ်သည် နိုင်ငံရေးပါတီအနေနှင့် ဦးတည်ရည်မှန်းသည့်အတိုင်း လွယ်ကူချောမွေ့စွာဖြင့် အောင် အောင်မြင်မြင် လုပ်ဆောင်သွားနိုင်ရန် ထောက်ပံ့ကူညီမှုများရရှိနိုင်မည်ဟု မထင်မြင်မိကြောင်းကို KIO ခေါင်း ဆောင်များနှင့် နီးစပ်သူ တဦးဖြစ်သည့် မာဂရမ် က ပြောသည်။
ပြီးခဲ့သော မေလ ကပင် ဖွဲ့စည်းနေသည်ဟု ယူဆရသော ယင်းအဖွဲ့နှင့် ပတ်သက်ပြီး KIO လက်အောက်ခံ ကချင်ပြည် လွတ်လပ်ရေး တပ်မတော် KIA တပ်ဖွဲ့ဝင်များနှင့် KIO အောက်ခြေ အဖွဲ့ဝင်များ၏ အတိုက်အခံ ပြုလုပ်လိုမှုများကိုတွေ့မြင် ရကြောင်းနှင့် ထိုသို့ သဘောထားကွဲလွဲမှုများ ရှိနေသောကြောင့် KIO ခေါင်းဆောင် များအနေနှင့် နိုင်ငံရေးပါတီဖွဲ့စည်းရေး အတွက် တခြားသော နည်းလမ်းကို ရှာဖွေရဖွယ်ရှိကြောင်းလည်း ၎င်းက ပြောဆိုသည်။
KIO အဖွဲ့သည် ၁၉၉၀ ခုနှစ်တွင် စစ်အစိုးရနှင့် အပစ်အခတ်ရပ်စဲရေး ပြုလုပ်ခဲ့သည့် တိုင်းရင်းသား လက်နက်ကိုင် အဖွဲ့တဖွဲ့ဖြစ်ပြီး ၁၉၆၁ ခုနှစ်တွင် ဖွဲ့စည်းတည်ထောင်ခဲ့ခြင်းဖြစ်သည်။
အပစ်အခတ်ရပ်စဲထားသော တိုင်းရင်းသားအဖွဲ့များအနေနှင့် နိုင်ငံရေးပါတီ အဖြစ် ပြောင်းလဲဖွဲ့စည်း လိုပါက လက်နက် စွန့်လွှတ်ရမည်ဖြစ်ကြောင်းနှင့် စာရင်းရှိ လက်နက်ကိုင် တပ်ဖွဲ့ဝင်များအားလုံးကို အထူး ရဲ တပ်ဖွဲ့ (ပြည်သူ့စစ်) ပုံစံ ပြောင်းလဲရမည်ဖြစ်ကြောင်း စစ်အစိုးရက တိုက်တွန်းမှုများရှိသည်ဟုလည်း KIO နှင့် နီးစပ် သူများက ပြောဆိုသည်။တိုင်းရင်းသား အပစ်ရပ်အဖွဲ့များအနှေင့် ယင်းသို့ လက်နက်စွန့်ရန် မဆုံးဖြတ်ပါက စစ်အစိုးရပြုလုပ်မည့် ရွေးကောက်ပွဲ ၀င်ခွင့်နှင့် နိုင်ငံရေးပါတီ ဖွဲ့စည်းခွင့်ကို ငြင်းပယ်ခံရဖွယ်ရှိကြောင်း သိရှိရသည်။

ဧရာဝတီ ဇူလိုင် ၂၉၊ ၂၀၀၈

ဖျက်သိမ်းခံဘဏ်တို့မှ ငွေလာမထုတ်ပါက နိုင်ငံပိုင်အဖြစ်သိမ်းမည်

ဖျက်သိမ်းခံထားရသည့် မြန်မာမေဖလားဝါးဘဏ်နှင့် အာရှဓနဘဏ်များမှ အပ်နှံငွေများလာ မထုတ်ယူပါက ယခုနှစ်အကုန်တွင် နိုင်ငံတော်ဘဏ္ဍာအဖြစ် သိမ်းယူမည်ဟု အဆိုပါဘဏ်များ၏ စာရင်းရှင်းလင်း ဖျက်သိမ်းရေးအရာရှိက စစ်အစိုးရပိုင် သတင်းစာများမှတဆင့် ကြေညာထား သော်လည်း ငွေအပ်နှံသူများ မည်သည့်အတွက် မထုတ်သေးသည်ကိုမူ ရှင်းရှင်းလင်းလင်း မသိရသေးပေ။ဘဏ်အပ်နှံငွေအမျိုးမျိုးနှင့် အခြားပေးရန် တာဝန်များကို ဘဏ်၏ စာရင်းရှင်းလင်း ဖျက်သိမ်းရေး အရာရှိလက်မှ ရန်ကုန် ကော်လိတ္တော် အရာရှိထံသို့ အပ်နှံပြီးဖြစ်ကြောင်း၊ အမှတ် (၆၂)၊ ဒုတိယ ထပ်၊ ပန်းဆိုးတန်းလမ်းရှိ ရန်ကုန် ကော်လိတ္တော်အရာရှိ (ကုမ္ပဏီများဆိုင်ရာ အခွန်ရုံး ဌာနမှူး) ထံတွင် အထောက်အထား အပြည့်အစုံဖြင့် တောင်းခံထုတ်ယူနိုင်ကြောင်း ကြေညာချက်တွင် ပါရှိသည်။
သတင်းစာတွင် ထည့်သွင်းကြေညာသည့်ရက် ဇူလိုင် (၁၉) ရက် မှစ၍ ၂၀၀၈ခု ဒီဇင်ဘာ (၃၁) ရက် အတွင်း လာမထုတ်လျှင် နိုင်ငံတော်ဘဏ္ဍာအဖြစ် ပေးသွင်းမည် ဖြစ်သည်ဟုလည်း ပါရှိသည်။ငွေအပ်နှံထားသူတို့အနေဖြင့် ကိုယ်တိုင် လာရောက်ထုတ်ယူရန်၊ ငွေစုစာအုပ်၊ မှတ်ပုံတင်မူရင်း၊ ငွေစာရင်းအမှတ်နှင့် ငွေအပ်နှံထားခြင်းဆိုင်ရာ အခြားအထောက်အထားများ တင်ပြရန် လိုအပ် ကြောင်း သိရသည်။ အထောက်အထားများ ပြည့်စုံမှုရှိမရှိ ဘဏ်များတွင် စိစစ်စေပြီးနောက် ငွေ ထုတ်ခွင့်အမိန့်ကို ရန်ကုန် ကော်လိတ္တော်အရာရှိက ဆောင်ရွက်ပေးမည်ဖြစ်ကြောင်း ပါရှိသည်။ယင်းဘဏ်တို့ ပိတ်သိမ်းခံရစဉ်ကတည်းက ငွေအပ်နှံသူများကို ငွေပြန်ထုတ်ပေးခဲ့သော်လည်း ယခုနောက်ဆုံးအကြိမ်အဖြစ် ကြေညာခြင်းဖြစ်ကြောင်း ရန်ကုန်ရှိ အကြီးတန်း စီးပွားရေးသတင်း ထောက်တဦးက ပြောသည်။၎င်းက “ခုဟာက နောက်ဆုံးစာရင်းရှင်း ဖျက်သိမ်းရေးအဖွဲ့က နောက်ဆုံးဘိတ် ခေါ်တာပေါ့နော်။ ဒါပြီးရင် ဘာမှ လက်မခံတော့ဘူး။ ဘဏ်ကတော့ ပိတ်သွားပြီ။ ရုံးခန်းလည်း မထားတော့ဘူး။ လူတွေနဲ့ ဆက်ဆံတဲ့ဟာလည်း ပိတ်သွားတာ ကြာလှပြီ်။ ငွေမထုတ်ပဲ ကျန်တဲ့လူကတော့ မရှိ သလောက်ပဲ။ အထောက်အထား မပြည့်စုံတဲ့သူသော်လည်းကောင်း ငွေပမာန နည်းလို့ (၂) သောင်း (၃) သောင်းလောက်နဲ့ အလုပ်ရှုပ်ခံပြီး သွားမထုတ်တာလည်း ဖြစ်ရင်ဖြစ်မယ်။ ငွေပမာဏများတဲ့ ဟာတွေကတော့ တော်တော်များများ ထုတ်ပြီးကြပါပြီ” ဟု ပြောသည်။
မြန်မာမေဖလားဝါးဘဏ်နှင့် အာရှဓနဘဏ်နှစ်ခုကို ထိုဘဏ်များကိုယ်တိုင် ငွေမဲခ၀ါချသည့် လုပ်ငန်းများ လုပ်ကိုင်သည့်ဘဏ်များအဖြစ် သံသယရှိကြောင်း ၂၀၀၃ ခု နိုဝင်ဘာလတွင် အမေရိကန်အစိုးရ ဘဏ္ဍာရေးဝန်ကြီးဌာနက သတ်မှတ်ကြေညာခဲ့သည်။
တဆက်တည်းမှာပင် အမေရိကန်ငွေကြေးအဖွဲ့အစည်းများသည် အဆိုပါ ဘဏ်နှစ်ခုအပါအ၀င် ၎င်းဘဏ်များနှင့် ဆက်စပ်နေသည့် ဘဏ်စာရင်းများနှင့်ပါ အဆက်အသွယ်ဖြတ်ရန် အဆိုပြုချက် ကိုပါ အမေရိကန်အစိုးရ ဘဏ္ဍာရေးဝန်ကြီးဌာနက ကြေညာခဲ့သည်။ မြန်မာမေဖလားဝါးဘဏ်နှင့် အာရှဓနဘဏ် နှစ်ခုပါဝင်နေသည့် ဘဏ်စာရင်းများကိုမူ ခြွင်းချက်မရှိ ပိတ်ရမည်ဟုပါ ကြေညာ ထားသည်။
မကြာခင် မြန်မာစစ်အစိုးရ သတင်းစာများက အမေရိကန်အစိုးရ ဘဏ္ဍာရေးဝန်ကြီးဌာန၏ ထုတ်ပြန် ချက်ကို မှားယွင်းသည့်သဘောထားဆိုပြီး ပြောဆိုသည့်ပြင် မျှတမှုမရှိဟု တုံ့ပြန်ခဲ့သည်။ မကြာခင် ထိုဘဏ်နှစ်ခုကို စစ်အစိုးရက စစ်ဆေးပိတ်ပစ်ခဲ့သော်လည်း မည်သူတဦးကိုမှ ငွေမဲခ၀ါချမှုအတွက် ယနေ့တိုင် အရေးယူခဲ့ခြင်း မရှိပေ။

ပီတာအောင်/ ၂၉ ဇူလိုင် ၂၀၀၈

အမေရိကန်သမ္မတကတော် မဲဆောက်လည်ပတ်မည်

ရွှေ့ပြောင်းမြန်မာ ကလေးငယ်များ၏ ပညာရေး၊ ကျန်းမာရေး ကိစ္စများ တိုးတက်ရေး ပိုမိုကူညီမှု ပေးနိုင်ဖို့အတွက် အမေရိ ကန်သမ္မတကတော် လော်ရာဘုရှ် လာမည့်လ (၇) ရက်နေ့တွင် မဲဆောက်မြို့ရှိ မယ်တော်ဆေးခန်းသို့ လာရောက်မည် ဖြစ် သည်။
မယ်တော်ဆေးခန်း တာဝန်ခံ ဒေါက်တာစင်သီယာမောင်က “ကျမတို့ဆေးခန်းကို နောက်လ (၇) ရက်နေ့လာမယ်။ မဲဆောက်ဒေသအတွင်းမှာရှိတဲ့ မြန်မာရွှေ့ပြောင်းကျောင်း တွေမှာ ဘော်ဒါ ဆောင်နေတဲ့ မြန်မာကလေး (၁,၅၀၀) နဲ့

ပြည်တွင်းက ကလေး (၁,၀၀၀) အတွက် လော်ရာဘုရ်ှတို့အဖွဲ့က မနှစ်ကစပြီး ထောက်ပံ့ကူညီမှု ပေးတယ်။ အဲဒါနဲ့ ဆက်စပ်ပြီး ဒီက အခြေအနေကို လာရောက်လေ့လာတာ ဖြစ်တယ်လို့ သိရ တယ်” ဟု ခေတ်ပြိုင်သို့ ပြောသည်။


၎င်းကလေးငယ်များအတွက် ထောက်ပံ့မှုများကို နိုင်ငံတကာ ကယ်ဆယ်ရေးကော်မတီ (IRC) မှတဆင့် မယ်တော်ဆေးခန်းသို့ ပေးပို့လှူဒါန်းခြင်းဖြစ်ပြီး နယ်စပ်နှင့် ပြည်တွင်းမှ အဆောင်နေ မြန်မာကလေးငယ်များအတွက် သူမတို့အဖွဲ့မှ ကူညီပေးခြင်းဖြစ်ကြောင်း မယ်တော်ဆေးခန်း တာဝန်ခံက ပြောသည်။
လော်ရာဘုရှ်၏ ခရီးစဉ်နှင့် ပတ်သက်၍ မဲဆောက်မြို့ပိုင် နိုင်ကော်ကယ်ကျူလားဖန်းက “အမေရိ ကန်သမ္မတကတော် (၇) ရက်နေ့ မဲဆောက်ကိုလာမယ်။ သူ့ရဲ့ရှေ့ပြေးလူ (၃၀) မနက်ဖြန် ရောက် ပြီး ကြိုတင်ပြင်ဆင်မှုတွေ လုပ်မှာဖြစ်တယ်” ဟု အတည်ပြု ပြောသည်။
မြန်မာရွှေ့ပြောင်းအလုပ်သမား ပညာရေးကော်မတီ (BMWEC) ဥက္ကဋ္ဌ ဆရာမ နော်ဖောရေ က “လာမယ့် (၇) ရက်နေ့ သူနဲ့တွေ့ရင် ရွှေ့ပြောင်းကလေးတွေရဲ့ ပညာရေးသင်ကြားမှု အနေအထား ကို ဒီလောက်နဲ့ မရပ်စေချင်ဘူး။ ဒီထက်ဆက်ပြီး ဆုံးခန်းတိုင် ပညာသင်ကြားခွင့် ရဖို့ဆိုတဲ့ အခွင့် အရေးကို ကူညီဖို့ တိုက်တွန်းမယ်” ဟု ပြောသည်။
မယ်တော်ဆေးခန်းနှင့် မြန်မာရွှေ့ပြောင်းအလုပ်သမား ပညာရေးကော်မတီအဖွဲ့များက လော်ရာ ဘုရ်ှအား နယ်စပ်ကျန်းမာရေးနှင့် ပညာရေး အခြေအနေများအား ရှင်းပြမည်ဖြစ်သည်။
မဲဆောက်ဒေသအတွင်း မဲဆောက်၊ မဲလမတ်၊ ဖို့ဖတ်၊ သုံးမြို့နယ်တွင် မြန်မာကလေးငယ်ရွှေ့ ပြောင်း စာသင်ကျောင်း (၅၄) ကျောင်းရှိပြီး ရွှေ့ပြောင်းမြန်မာကလေးငယ် (၁၀,၀၀၀) ခန့် ပညာသင်ကြားလျက်ရှိသည်ဟု BMWEC ၏ စစ်တမ်းက ဖော်ပြထားသည်။

NEJ/ ၂၉ ဇူလိုင် ၂၀၀၈

သမ္မတဘုရှ် ထိုင်းနိုင်ငံခရီးစဉ်အတွင်း မြန်မာ့အရေးလှုပ်ရှားသူများနှင့် တွေ့နိုင်ဖွယ်ရှိ

လာမယ့် ဇန်န၀ါရီလကျရင် သမ္မတ သက်တမ်း ကုန်ဆုံးတော့မှာဖြစ်တဲ့ အမေရိကန်သမ္မတ ဂျော့ဒဗလျူဘုရှ် သူ့ရဲ့ နောက်ဆုံးအကြိမ် သမ္မတ ခရီးစဉ်အဖြစ်နဲ့ အာရှနိုင်ငံတွေကို သွားရောက်ဖို့ရှိပါတယ်။ ထိုင်းနိုင်ငံကို အရင်ဆုံး သွားရောက်မှာဖြစ်ပါတယ်။သူ့ရဲ့ထိုင်းနိုင်ငံခရီးစဉ်အတွင်း မြန်မာနိုင်ငံက ဒီမိုကရေစီရေး လှုပ်ရှားသူတချို့နဲ့တွေ့ဆုံကောင်း တွေ့ဆုံနိုင်တယ်လို့ ဘန်ကောက်ကလာတဲ့ သတင်းတချို့ကို ကိုးကားပြီး၂၈ ရက်နေ့ထုတ် မဇ္စျိမသတင်းမှာ ဖော်ပြပါတယ်။
သြဂုတ်လ ၆ ရက်နဲ့ ၇ ရက်နေ့တွေမှာ သွားရောက်မယ့် အမေရိကန်သမ္မတရဲ့ ထိုင်းနိုင်ငံခရီးစဉ်အတွင်း သမ္မတကတော် လော်ရာဘုရ်ှလည်း သူနဲ့အတူ လိုက်ပါမှာဖြစ်ပါတယ်။ သမ္မတနဲ့ သမ္မတကတော် နှစ်ဦးစလုံးတို့ဟာ မြန်မာ့အရေးနဲ့ ပတ်သက်လို့တက်တက်ကြွကြွ ပြောဆို ဆွေးနွေးလေ့ရှိကြသူတွေပါ။ အခုလည်း သူတို့ရဲ့ ထိုင်းနိုင်ငံခရီးစဉ်အတွင်း မြန်မာ့အရေး လှုပ်ရှားသူတချို့နဲ့ တွေ့ကောင်းတွေ့နိုင်တယ် ဆိုတဲ့သတင်းတွေ ထွက်ပေါ်နေတာပါ။ သမ္မတ အိမ်ဖြူတော်ကတော့ သမ္မတရဲ့ ခရီးစဉ်အသေးစိတ် အပြီးသတ် မဆွဲရသေးတာကြောင့် ဒါနဲ့ပတ်သက်လို့ အတည်မပြုနိုင်သေးတဲ့အကြောင်း ဗွီအိုအေကိုပြောပါတယ်။
သမ္မတဘုရ်ှအနေနဲ့ မြန်မာ့အရေး လှုပ်ရှားသူတွေနဲ့ တွေ့မယ့်မတွေ့ဘူးဆိုတာ မသေချာပေမယ့် သမ္မတဘုရ်ှအနေနဲ့ မြန်မာ့အိမ်နီးချင်း ထိုင်းနိုင်ငံကိုရောက်တုန်း မြန်မာနိုင်ငံနဲ့ပတ်သက်လို့ တိုက်တွန်းပြောကြားတာမျိုးတွေတော့ လုပ်နိုင်တယ်လို့ အမေရိကန်ပြည်ထောင်စု အခြေစိုက် မြန်မာ့အရေး လှုပ်ရှားဆောင်ရွက်နေတဲ့ USCampaign for Burma အဖွဲ့ရဲ့ မူဝါဒရေးရာ ညွှန်ကြားရေးမှူး ဦးအောင်ဒင်က အခုလိုသုံးသပ်ပါတယ်။
“သမ္မတဘုရ်ှက ထိုင်းမှာ နှစ်ရက်ထဲခင်ဗျ။ ဆိုတော့ ဒီနှစ်ရက်အတွင်းမှာ သူ့ အနေနဲ့ထိုင်းဘုရင်မင်းမြတ်နဲ့ တွေ့ဆုံဖို့ရှိတယ်၊ ထိုင်းဝန်ကြီးချုပ်နဲ့ တွေ့ဆုံမယ်၊ တခြားအစည်းအဝေးတွေ တက်မယ်ပေါ့နော်။ သူ့ရဲ့ Schedule (ခရီးအစီအစဉ်) က ကျနော်တို့ သိသလောက်ဆိုရင် တော်တော်ကြီးကို ကျပ်ပါတယ်။
“အဲဒီတော့ သမ္မတအနေနဲ့ ဘန်ကောက်မှာရှိတဲ့ မြန်မာအတိုက်အခံတွေကို တွေ့ ဆုံဖို့ဖြစ်နိုင်၊ မဖြစ်နိုင်ဆိုတာ ကျနော် မသေချာပါဘူး။ ကြိုးစားမယ်လို့တော့ ထင်ပါတယ်။အနည်းဆုံး သူ့ရဲ့ကိုယ်စားလှယ်တွေကို စေလွှတ်ပြီးတော့ တွေ့ခိုင်း တာလည်း ဖြစ်ကောင်းဖြစ်နိုင်ပါတယ်။
“အလားတူပဲ ကျနော်တို့သိသလောက် First Lady အနေနဲ့လည်း မဲဆောက်ကို သွားပြီးတော့ လေ့လာနိုင်တယ်၊ ဒေါက်တာစင်သီယာမောင်ရဲ့ ဆေးခန်းတို့၊ နောက်တခါ တခြားနေရာတွေပေါ့နော်၊ ဒုက္ခသည်စခန်းတို့ သွားကြည့်ချင်တဲ့ ဆန္ဒလည်းရှိတယ်။
“သို့သော်လည်း တကယ့်တကယ်မှာကျတော့ အချိန်က အရမ်းကို တိုတောင်းတဲ့ အခါကျတော့ သူ တကယ် ကိုယ်တိုင်ကိုယ်ကျ သွားရောက်ဖို့ဆိုတာ ဖြစ်နိုင်၊ မဖြစ်နိုင်ဆိုတာ ခုထိ ကျနော်တို့ မသေချာသေးပါဘူး။
“သို့သော်လည်း သမ္မတဘုရ်ှအနေနဲ့ ထိုင်းကို ရောက်တဲ့အချိန်မှာ သေချာတာက တော့သူ့ရဲ့ မိန့်ခွန်းတွေအားလုံးမှာ မြန်မာပြည် ဒီမိုကရေစီရေး လှုပ်ရှားမှု အကြောင်းကိုတကယ့်ကို အလေးအနက်ထားပြီး ပြောဆိုသွားမယ်၊ မြန်မာ့ အရေးကိစ္စနဲ့ပတ်သက်ပြီးတော့ အာဆီယံနိုင်ငံများက ဒီ့ထက်မက ပိုပြီးတော့ ဖိအားပေးမှုတွေလုပ်အောင် တိုက်တွန်းသွားမယ်၊ နောက် မြန်မာပြည်မှာ ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားတွေ လွတ်မြောက်ရေးအတွက် အမေရိကန်ပြည်ထောင်စုရဲ့ ကြိုးပမ်းအားထုတ်မှုတွေကို ထပ်ခါထပ်ခါ သူ ထပ်လောင်းပြောကြားသွားမယ်။ ဒါတွေတော့သေချာပါတယ်။
“နောက် တချိန်ထဲမှာပဲ ထိုင်းအစိုးရကိုလည်း ထိုင်းနိုင်ငံမှာရောက်နေတဲ့ မြန်မာအတိုက်အခံများရဲ့ လုံခြုံရေးနဲ့ပတ်သက်လို့ သူ့ရဲ့ စိတ်ပူပန်မှုတွေကိုလည်း သူဖော်ထုတ်ပြောကြားလိမ့်မယ်လို့ ကျနော်တို့ယူဆပါတယ်။”
ဟုတ်ကဲ့၊ သမ္မတဘုရ်ှက နောက် ခြောက်လလောက်ကျရင် သမ္မတသက်တမ်း ကုန်ဆုံးတော့မှာဆိုတော့ နောက်တက်လာမယ့် သမ္မတ အနေနဲ့ မြန်မာ့အရေးနဲ့ပတ်သက်လာရင် တက်တက်ကြွကြွ ဆောင်ရွက်လိမ့်မယ်လို့ ထင်ပါသလားရှင့်။ ဒီ မြန်မာနိုင်ငံအပေါ်ထားတဲ့ အမေရိကန်ရဲ့ မူဝါဒတွေ ထူးထူးခြားခြား ပြောင်းသွားနိုင်တဲ့ အနေအထားမျိုးရော ရှိနိုင်ပါသလား။
“ကျနော်တို့ နားလည်သလောက် အခု ဒီ သမ္မတလောင်းနှစ်ယောက် ရှိတယ်ပေါ့ဗျာ။ဒီမိုကရက်ပါတီက ဘရက် အိုဘားမားနဲ့ ရီပတ်ဘလီကန်ပါတီက ဆီနေတာ မက်ကိန်းနှစ်ယောက်ရှိတယ်။ နှစ်ယောက်စလုံးက မြန်မာ့အရေးနဲ့ ပတ်သက်လို့ ရှိရင် အင်မတန်မှတက်ကြွကြတဲ့ လူပုဂ္ဂိုလ်တွေပါ။
“အထက်လွှတ်တော်မှာ မြန်မာ့အရေးနဲ့ပတ်သက်တဲ့ ဆုံးဖြတ်ချက်တွေ ကျနော်တို့အများကြီး ကြိုးစားခဲ့ကြတယ်။ အထူးသဖြင့် မြန်မာစစ်အစိုးရ စီးပွားရေး ပိတ်ဆို့အရေးယူမှုတို့၊ အခုနောက်ဆုံးလုပ်ခဲ့တဲ့ ကျောက်မျက်ရတနာပစ္စည်းတွေ တင်သွင်းတာ ပိတ်ပင်ဖို့တို့၊ ဒေါ်အောင်ဆန်းစုကြည်ကို ကွန်ဂရက်ကနေပြီးတော့ ဂုဏ်ထူးဆောင် ရွှေတံဆိပ်ပေးဖို့တို့ စသည်ဖြင့်ပေါ့ဗျာ၊ ကွန်ဂရက်ကနေပြီးတော့ မြန်မာ့အရေးနဲ့ပတ်သက်တဲ့ ဆုံးဖြတ်ချက်တွေကျဖို့ ကြိုးစားတဲ့နေရာမှာ နှစ်ယောက်စလုံးက ရှေ့တန်းကနေတက်တက်ကြွကြွ ဦးဆောင်ပါဝင် ထောက်ခံ ခဲ့ကြတာပါ။
“နောက် ခုချိန်မှာလည်း သူတို့ ပြီးခဲ့တဲ့ ဒေါ်အောင်ဆန်းစုကြည် နေအိမ်အကျယ်ချုပ်ကျသက်တမ်း နအဖကတိုးတာကို ဆီနေတာမက်ကိန်းအနေနဲ့ရော၊ ဆီနေတာအိုဘားမားအနေနဲ့ရော ပြင်းထန်တဲ့ကြေညာချက်တရပ်စီ ထုတ်ပြန်ပြီး တော့ နအဖစစ်အစိုးရကို ပြစ်တင် ရှုတ်ချခဲ့ကြတာပါ။
“နောက် ဆီနေတာမက်ကိန်းရဲ့အဖွဲ့ထဲမှာရော၊ ဆီနေတာအိုဘားမားရဲ့ အဖွဲ့ထဲမှာရောမြန်မာ့အရေးကိစ္စ အင်မတန်မှ ထောက်ခံအားပေးတဲ့ပုဂ္ဂိုလ်တွေက ၀င်ရောက်ပြီးလှုပ်ရှားနေကြတာပါ။
“ဆိုတော့ သမ္မတဘုရ်ှအနားယူသွားပြီး သမ္မတသစ်တက်လာတဲ့အချိန်မှာ မြန်မာပြည်ရဲ့ဒီမိုကရေစီရေးလှုပ်ရှားမှုအပေါ်မှာ သဘောထား ထူးထူးခြားခြား ပြောင်းလဲလိမ့်မယ်လို့ကျနော်မထင်ပါဘူး။”
US Campaign for Burma အဖွဲ့ မူဝါဒရေးရာ ညွှန်ကြားရေးမှူး ဦးအောင်ဒင် ပြောပြခဲ့တာပါ။
ထိုင်းနဲ့ အမေရိကန် နှစ်နိုင်ငံဆက်ဆံရေး နှစ်ပေါင်း ၁၇၅ နှစ်ပြည့် အထိမ်းအမှတ်ဂုဏ်ပြုဖို့အတွက် အဓိက ရည်ရွယ်ချက်နဲ့ သမ္မတ ဘုရှ် အခုလို ထိုင်းနိုင်ငံကို လာရောက်မှာဖြစ်ပြီး ခရီးစဉ်အတွင်း ထိုင်းနိုင်ငံခြားရေးဝန်ကြီးနဲ့ နှစ်နိုင်ငံ ဆက်ဆံရေးနဲ့ဒေသတွင်းဆိုင်ရာ ကိစ္စရပ်တွေကို ဆွေးနွေးသွားဖို့ရှိသလို အမေရိကန်နိုင်ငံရဲ့ အာရှဒေသဆိုင်ရာ မူဝါဒတွေနဲ့ပတ်သက်တဲ့ အရေးကြီးတဲ့မိန့်ခွန်းတရပ် ပြောကြားဖို့ရှိတယ်လို့ ၀ါရှင်တန်ဒီစီ ထိုင်းသံရုံးရဲ့ နိုင်ငံရေးရာ တာဝန်ခံ တန်နီ ဆန်ဂရက် (TaneeSangrat) က ပြောပါတယ်။ သမ္မတဘုရ်ှရဲ့ ခရီးစဉ်ကနေ နှစ်နိုင်ငံအကြား ရင်းနှီးချစ်ကြည်မှုတွေ ပိုပြီး တည်ဆောက်မှာဖြစ်တယ်လို့လည်း သူက ဆိုပါတယ်။
သြဂုတ်လ ၇ ရက်နေ့မှာ သမ္မတ ဘုရှ် ထိုင်းနိုင်ငံကနေ ထွက်ခွာမှာဖြစ်သလို သြဂုတ်လ၈ ရက်နေ့ တရုတ်နိုင်ငံ ဘေဂျင်းမြို့မှာ ကျင်းပတဲ့ နွေရာသီ အိုလံပစ်ပွဲတော် ဖွင့်ပွဲအခမ်းအနားကို တက်ရောက်မှာဖြစ်ပါတယ်။ အဲဒီနောက် တောင်ကိုရီးယားနိုင်ငံကိုလည်းသွားရောက်ဦးမှာဖြစ်ပါတယ်။

29 July 2008/VOA

မုန်တိုင်းဒေသ ကလေးငယ် ၇ သိန်းနီးပါးအတွက် အကူအညီများ လိုအပ်နေ

မြန်မာနိုင်ငံမှာ နာဂစ်ဆိုင်ကလုန်းမုန်တိုင်း တိုက်ခတ်ခဲ့တာ ၃ လနီးပါး ရှိလာခဲ့ပြီ ဖြစ်ပေမယ့် မုန်တိုင်းဒဏ်ခံခဲ့ရပြီး အသက်မသေ ကျန်ရစ်ခဲ့တဲ့ အသက် ၁၇ နှစ်အောက် ကလေးငယ် ၇၀၀,၀၀၀ အတွက် ကျန်းမာရေး၊ ပညာရေးနဲ့ လူမှုဘ၀ ရှင်သန်နိုင်ရေးတွေအတွက် အကူညီတွေ လိုအပ်နေဆဲ ဖြစ်တယ်လို့ ကုလသမဂ္ဂ ကလေးများ ရံပုံငွေအဖွဲ့ UNICEF က ပြောပါတယ်။

မုန်တိုင်းမတိုက်ခင်ကတည်းက မြန်မာနိုင်ငံမှာ ကလေးငယ်တွေအတွက် ကျန်းမာရေးပြုစုစောင့်ရှောက်မှုတွေ မကောင်းတာကြောင့် အခုချိန်မှာ ဒီကလေးငယ်တွေရဲ့ ကျန်းမာရေး၊ ပညာရေးနဲ့ ပြုစုစောင့်ရှောက်မှုတွေ ပိုပြီးတော့ လုပ်ပေးဖို့ လိုအပ်တယ်၊ လုပ်ပေးဖို့ အခွင့်အလမ်းလည်း အခု ရှိနေတယ်လို့ UNICEF အဖွဲ့ ပြောခွင့်ရပုဂ္ဂိုလ် ပက်ထရစ် မက် ကောမစ် (Patrick McCormick) က ပြောပါတယ်။
"အခုချိန်က ကယ်ဆယ်ရေးအဆင့်ပြီးတဲ့နောက်ပိုင်း ပြန်လည် တည်ဆောက်ရေးကာလပါ။ ဒါကြောင့် ကလေးငယ်တွေနဲ့ သူတို့ မိသားစုတွေရဲ့ ဘ၀တွေ ပြန်လည်တည်ဆောက်ဖို့ လိုအပ်နေပါတယ်။ ကျနော်တို့ ဆိုလိုတာက - ဒီကလေးငယ်တွေ အတွက် စာသင်ကျောင်းတွေ၊ ကျန်းမာရေးဆိုင်ရာ ဆေးရုံ၊ ဆေးခန်းတွေ ဆောက်ပေးဖို့ လိုပါတယ်။ နောက်တခါ ကလေးငယ်တွေကို ကာကွယ်ဆေးထိုးရေးကလည်း အရေးကြီးပါတယ်။ မြန်မာနိုင်ငံမှာ မုန်တိုင်း မဖြစ်ခင်ကတည်းက မွေးကင်းစကလေးငယ် သေဆုံးမှုနှုန်းက များပါတယ်။ ကမ္ဘာပေါ်မှာ ဒီလိုသေဆုံးမှု အများဆုံး နိုင်ငံထဲမှာ ပါတယ်လို့ ကျနော် ထင်ပါတယ်။ ဒါကြောင့် အခုချိန်မှာ ဒီကလေးငယ်တွေအတွက် ဆေးဝါး ထောက်ပံ့မှုတွေ၊ ရောဂါ ကြိုတင်ကာကွယ်မှု အစရှိတဲ့ ကျန်းမာရေးဆိုင်ရာ ပြုစုစောင့်ရှောက်မှုတွေ ပိုပြီးတော့ လုပ်ပေးရမှာပါ။ အရင်တုန်းက ဒီလိုမျိုး ကူညီဖို့ အခွင့်အလမ်းတွေ သိပ်မရှိခဲ့သလို အခုချိန်ဟာ ကျနော်တို့ဘက်က ကူညီနိုင်တဲ့ အကောင်းဆုံး အချိန်ပါ။"
မုန်တိုင်းကာလနောက်ပိုင်း ရောဂါဘယ ပြန့်ပွားနိုင်တဲ့ အခြေအနေတွေနဲ့ပတ်သက်လို့ စိုးရိမ်ရဆဲ ဖြစ်သလို ဒီအတွက် လတ်တလောမှာလည်း UNICEF အဖွဲ့က အကူအညီတွေ ပေးနေတယ်လို့လည်း သူက ပြောပါတယ်။
"မုန်တိုင်းသင့်ဒေသမှာ ရောဂါဘယ ပြန့်ပွားနိုင်တဲ့ အနေအထားတွေကို ကျနော်တို့ အထူး စိုးရိမ်နေတုန်းပါပဲ။ ဒါကြောင့်လည်း လိုအပ်တဲ့ ဆေးဝါးတွေကို ကျနော်တို့ ထောက်ပံ့ပေးနေပါတယ်။ အထူးသဖြင့် ကလေးငယ်တွေ အစားအစာ အလောက်အလောက် မရတဲ့အခါမှာ အာဟာရ ချို့တဲ့ တဲ့ရောဂါ ဖြစ်လာနိုင်တဲ့ အနေအထားတွေ၊ တချို့တော့ ဖြစ်ပြီးသား အခြေအနေတွေ ရှိပါတယ်။ ဒီအခါ ရောဂါ ပြန့်ပွားမှုက ပိုပြီးတော့ ဖြစ်နိုင်ပါတယ်။ အထူးသဖြင့် ရေက ပြန့်ပွားတဲ့ ရောဂါမျိုးတွေပါ။ ဒါကြောင့် ကျနော်တို့က - ဒီကလေးငယ်တွေ သန့်ရှင်းတဲ့ သောက်သုံးရေ နဲ့ အစားအစာ ရရှိရေးအတွက် ကူညီထောက်ပံ့တာမျိုး ရောဂါ ကြိုတင်ကာကွယ်မှုတွေ လုပ်ပေးတာတွေ လုပ်ပေးပါတယ်။ စိတ်ချလုံခြုံရတဲ့ နေရာလို့ ကျနော်တို့ခေါ်တဲ့ နေရာမျိုးတွေကိုလည်း မုန်တိုင်းဖြစ်ဖြစ်ပြီးချင်းကတည်းက ကျနော်တို့ တည်ဆောက်ပေးပါတယ်။ ဥပမာ - ကလေးငယ်တွေ အန္တရာယ်ကင်းကင်းနဲ့ ကစားနိုင်တဲ့နေရာတွေ၊ မိဘတွေက ပျက်ဆီးခဲ့တဲ့ သူတို့ရဲ့ အိမ်ယာလယ်မြေတွေကို ပြန်ပြီးတော့ တည်ဆောက်ရတဲ့အခါမျိုးမှာ ကလေးငယ်တွေကို စိတ်ချလက်ချနဲ့ ထားခဲ့နိုင်တဲ့နေရာမျိုးတွေပါ။"
မုန်တိုင်းကြောင့် မိဘနှစ်ဦးစလုံး သေဆုံး၊ ဒါမှမဟုတ် အဖေ မဟုတ်ရင် အမေ ဆုံးရှုံးခဲ့ရတဲ့ ကလေးငယ်ပေါင်း ၆၀၀ ကျော်ရဲ့စရင်းကို UNICEF အဖွဲ့က ပြုစုခဲ့သလို ဒီကလေးငယ်တွေရဲ့ မိဘဆွေမျိုး နောက်ကြောင်း အစဖော်နိုင်အောင် ကြိုးစားရှာဖွေပေးတာတွေနဲ့ လူမှုပြုစုစောင့်ရှောက်မှုတွေ လုပ်ပေးနေတဲ့အကြောင်းလည်း သူက ပြောပြပါတယ်။
မြန်မာနိုင်ငံမှာ UNICEF အဖွဲ့ရဲ့ လုပ်ငန်းတွေ ၁၉၅၀ ခုနှစ်ကတည်းက စလုပ်ခဲ့တာဖြစ်သလို အခြေအနေတွေ အားလုံးကောင်းမွန်ပြီး အကူအညီ လုံးဝ မလိုတော့တဲ့အချိန်အထိ လုပ်ငန်းတွေ ဆက်လုပ်သွားတယ်၊ ဒါပေမယ့် သိပ်ကို ဆင်းရဲတဲ့ မြန်မာနိုင်ငံမှာ အဲဒီလို အခြေအနေမျိုး ရောက်ဖို့ကလည်း မလွယ်ဘူးလို့ မစ္စတာ McCormick က ဆိုပါတယ်။
ပြီးခဲ့တဲ့မေလ အစောပိုင်း တိုက်ခတ်ခဲ့တဲ့ နာဂစ်မုန်တိုင်းကြောင့် လူနေအိမ် ၇၀၀,၀၀၀ ကျော်၊ ကျန်းမာရေး အဆောက်အဦ ၇၅ % နဲ့ စာသင်ကျောင်းပေါင်း ၄,၀၀၀ ကျော် ပျက်ဆီးခဲ့တယ်လို့ UNICEF အဖွဲ့က ထုတ်ပြန်ပါတယ်။ ဒါကြောင့်လည်း ၂၀၀၉ ခုနှစ် ဧပြီလကုန်အထိ မြန်မာနိုင်ငံက ကူညီရေးလုပ်ငန်းတွေအတွက် အမေရိကန်ဒေါ်လာ သန်းပေါင်း ၉၀ ကျော် UNICEF က မကြာသေးခင်ကပဲ တောင်းခံထားတာ ဖြစ်ပါတယ်။

26 July 2008/VOA

ရွှေဝါရောင်တော်လှန်ရေးတွင်ပါသည့် မြန်မာမွတ်စလင်များကို ရဲဘက်စခန်းပို့

လွန်ခဲ့သည့်နှစ် စက်တင်ဘာလတွင် ပေါ်ပေါက်ခဲ့သော ရွှေဝါရောင် တော်လှန်ရေးတွင် ပါဝင်ခဲ့သည့် ကျောင်းသား လူငယ် ၁၀ ဦးကို စစ်အစိုးရက ထောင်ဒဏ် ၂ နှစ်စီချမှတ်၍ ရဲဘက်စခန်းများသို့ပို့ရာ ၎င်းတို့အနက် အများစုသည် မွတ်စလင် ဘာသာဝင်များဖြစ်ကြောင်း ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ (အေအေပီပီ) က ပြောသည်။
အဆိုပါ နိုင်ငံရေးအကျဉ်းသား ၁၀ ဦးကို စစ်အစိုးရက ယခုအပတ်အတွင်း ထောင်ဒဏ် ၂ နှစ်စီချမှတ်ပြီး ပြည်ထဲရေးဝန်ကြီး ၏ အမိန့်ဖြင့် ဒေါက်ခြေချင်းများခတ်ကာ ရဲဘက်စခန်းအသီးသီးသို့ ပို့ဆောင်လိုက်ခြင်းဖြစ်သည်ဟု ယနေ့ထုတ် အေအေပီပီ ကြေညာချက်တွင် ဖော်ပြထားသည်။

မွတ်စလင်အများစုပါဝင်သည့် အဆိုပါ နိုင်ငံရေးအကျဉ်းသား ၁၀ ဦးကို ကျိုက်မရော ဘ၀သစ် (၆) ရဲဘက်စခန်း၊ ဘားအံ ဘ၀သစ် (၇) ရဲဘက်စခန်း၊ ဇင်းကျိုက် ကျောက်စခန်း၊ ရင်းငြိမ် ကျောက်စခန်းနှင့် တောင်စွန်း ရဲဘက်စခန်းများသို့ ပို့ဆောင်ခြင်း ဖြစ်သည်။
အေအေပီပီ ကြေညာချက်တွင် “ယေဘုယျအားဖြင့် နိုင်ငံရေးအကျဉ်းသားများကို ရဲဘက်စခန်းသို့ပို့ဆောင်၍ အလုပ်ကြမ်း များ ခိုင်းစေခြင်း မရှိခဲ့ပေ။ သို့သော်လည်း ၁၉၉၀ ခုနှစ် အောက်တိုဘာလတွင် ပတ္တနိက္ကုဇ္ဇန ကံဆောင်ခဲ့သော သံဃာတော် များကို ရဲဘက်စခန်းများသို့ ပို့ဆောင်၍ အလုပ်ကြမ်းများ ခိုင်းစေခဲ့ခြင်းကြောင့် သံဃာတော် ၁၉ ပါးမှာ အလုပ်ကြမ်းဒဏ် မခံနိုင်၍ ထိုနေရာများတွင်ပင် ပျံလွန်တော်မူခဲ့ရသည်” ဟု ဖော်ပြထားသည်။
အေအေပီပီ အတွင်းရေးမှူး ဦးတိတ်နိုင်က “ပြည်ထဲရေးဝန်ကြီးရဲ့အမိန့်နဲ့ ရဲဘက်စခန်းကိုပို့လိုက်တာဟာ ဘာသာရေးအရ နှိပ်ကွပ်မှုတခုဖြစ်တဲ့အပြင် ဒီကျောင်းသားလူငယ်တွေရဲ့ အသက်အန္တရာယ် စိုးရိမ်ရတဲ့အနေအထားမှာ ရှိနေပါတယ်” ဟု ပြောသည်။
ရွှေဝါရောင် တော်လှန်ရေးနောက်ပိုင်း စစ်အစိုးရက ဘာသာရေးဖိနှိပ်မှုများကို အလွန်အကျွံလုပ်လာသည်ကို တွေ့ရသည်ဟု လည်း ဦးတိတ်နိုင်က ပြောသည်။
လွန်ခဲ့သည့် ၂ ပတ်ခန့်က မန္တလေးဘူတာတွင် နာဂစ်မုန်တိုင်းကယ်ဆယ်ရေး သွားရောက်လုပ်ကိုင်မည့်သံဃာတော် ၉ ပါးကို အာဏာပိုင်တို့က ဖမ်းဆီးလိုက်ပြီး ၎င်းတို့အား ယမန်နေ့က ရုံးထုတ်သည်ဟု ကြားသိရသည်။“၁၉၈၈ ခု အရေးအခင်းကာလတုန်းက ရန်ကုန်ဆေးရုံကြီးကို ဖမ်းလာတဲ့ မွတ်စလင်တွေ ရှိခဲ့ဖူးတယ်။ အဲဒီအထဲက တချို့ ဆိုရင် လုံးဝပျောက်သွားတဲ့ အဆင့်အထိ ရှိတယ်” ဟုလည်း ဦးတိတ်နိုင်က ပြောသည်။

ကိုသက် ဇူလိုင် ၂၅၊ ၂၀၀၈/ဧရာဝတီ

မုန်တိုင်း ကယ်ဆယ်ရေးတွင် ဂီတအနုပညာရှင်များလည်း ပါဝင်

ဂီတအနုပညာရှင်များ
ဆုန်သင်းပါရ် ၊ ခင်မောင်တိုး ၊ ဝေထွန်း

ကိုစိုး ဇူလိုင် ၂၅၊ ၂၀၀၈/ဧရာဝတီ

နာဂစ် မုန်တိုင်း ဒုက္ခသည်များအတွက် လှူဒါန်းရန် ရည်ရွယ်ပြီး မြန်မာပြည်တွင်းရှိ နာမည်ကျော် ဂီတအနုပညာ ရှင်များက တေးစီးရီး သီဆို ထုတ်လုပ်ရန် စီစဉ်နေကြကြောင်း သိရသည်။
သီချင်းအများစု အသံသွင်းပြီးနေပြီဖြစ်သော အဆိုတော်ပေါင်း၂၀ ကျော် ပါဝင်သီဆိုထားသည့် အဆိုပါ တေးစီးရီး ထုတ်လုပ် ရောင်းချရာမှ ရရှိလာမည့် ငွေများ အားလုံးကို လေဘေးဒုက္ခသည်များသို့ တိုက်ရိုက် လှူဒါန်းသွားမည် ဖြစ်ကြောင်း စီစဉ်သူ ကိုဝေထွန်း (နဝရတ် စတူဒီယို) က ပြောပြသည်။
“အရင်လထဲက စပြီး အသံသွင်းနေတာပါ၊ အခုအထိ ဆိုတာ တီးတာတွေ အတော်ပြီးနေပါပြီ၊ ၂ ပုဒ်လောက်ပဲ ကျန်မယ်၊ အင်ပါယာ ၀ိုင်းက နည်းနည်းကျန်တယ်၊ ဒါပါပဲ၊ ဗီစီဒီ ရိုက်ကူးရေးအတွက်တော့ ကျန်သေးတယ်၊ အဲဒါတွေ ပြီးမှ စိစစ်ရေး တင်၊ ကျမှ ဖြန့်ချိရမှာဆိုတော့ ဖြန့်ချိဖို့တော့ နည်းနည်းလိုဦးမယ်၊ အဲဒီအခွေက ရရှိလာ မယ့် ငွေတွေ ကို အကုန်လှူကြမှာပါ၊ ဒုက္ခသည်တွေကို တိုက်ရိုက်လှူမှာပါ၊ ဒါပေမယ့် ပိုက်ဆံ ရမှပဲ အဆိုတော် တွေနဲ့တိုင်ပင်ပြီး သူတို့ ဘာလုပ်စေချင်လဲဆိုတာ၊ သူတို့ ဆန္ဒရှိတဲ့အပေါ်မှာ လုပ်ရမှာပါ”ဟု ကိုဝေထွန်း က ဧရာဝတီသို့ ပြောသည်။
ယင်းတေးစီးရီးတွင် ချစ်ကောင်း၊ ရင်ဂို၊ ထူးအယ်လ်လင်း၊ ဂရေဟန်၊ စည်သူလွင်၊ ဆောင်းဦးလှိုင်၊ နွဲ့ယဉ်ဝင်း၊ မေခလာ၊ ဟေမာနေဝင်း၊ ကော်နီ၊ လေးလေးဝါး၊ ကဗျာဘွဲ့မှူး၊ ချောစုခင်၊ မီးမီးခဲ၊ ဆုန်သင်းပါရ်၊ ရှင်ဘုန်း၊ခင်ဘုန်း၊ သံသာဝင်း၊ ဇန်နူး၊ မို့မို့ဇော်ဝင်း၊ အားမူ စသည့် ပရိသတ် နှစ်သက်မည့် အဆိုတော်ပေါင်း ၂၄ ဦးခန့် ပါဝင်ကြောင်း၊ အင်ပါယာ၊ ဥက္ကာ+၃ ၊ စပက်ထရန် တီးဝိုင်းများဖြင့် န၀တ်စတူဒီယိုတွင် အသံသွင်းယူနေခြင်း ဖြစ်ကြောင်းလည်း ၎င်းက ပြောပြသည်။
“အင်ပါယာ၊ ဥက္ကာ + ၃ နဲ့ စပက်ထရန် ၀ိုင်းတွေက တီးပေးတယ်၊ သီချင်းတွေက ကိုယ်ပိုင် သံစဉ်ရော၊ ကော်ပီ ရောပါပဲ၊ ကျနော့်ကို အတင်းဝင်တီးခိုင်းကြလို့ တပုဒ် ဝင်တီးပေးထားတယ်၊ အသံသွင်းတာကတော့ ကျနော့် စတူဒီယို မှာပါပဲ”ဟု ကိုဝေထွန်းက ဆက်ပြောသည်။
အဆိုတော် ဆုန်သင်းပါရ်ကလည်း ယခုတေးစီးရီးသည် လေဘေးဒုက္ခသည်များကို လှူဒါန်းမည့် မွန်မြတ်သော အစီအစဉ် ဖြစ်သောကြောင့် အကျိုးခံစားခွင့်များကိုလှူဒါန်းရန် ကိုယ်တိုင်လိုလားစွာပါဝင် သီဆိုလိုခြင်းဖြစ်ကြောင်း ပြောဆိုသည်။
“သီချင်းတော့ မပေးရသေးဘူး၊ ဆိုတော့ဆိုမှာပါ၊ ကောင်းတဲ့ကိစ္စ ဆိုတော့ ကိုယ်လည်း ပါချင်တာပေါ့”ဟု ဆုန်သင်းပါရ်က ပြောသည်။
ကိုဝေထွန်းက ဆက်လက်၍ ယခုအစီအစဉ်ကို ၎င်းအနေနှင့် စတင်လုပ်ဆောင်ဖြစ်ခြင်းမှာ မြစ်ဝကျွန်းပေါ် ဖျာပုံဘက်သို့ လေဘေး ကူညီရေး သွားရောက်လုပ်ကိုင်နေသည်ကို အဆိုတော်များက သိရှိပြီး ကူညီလိုကြရာမှ အကောင်အထည်ပေါ် လာခြင်းဖြစ်သည်ဟုလည်း ပြောပြသည်။
“ဘယ်လို စလုပ်ဖြစ်တာလဲ ဆိုတော့ ကျနော် ဖျာပုံဘက်ကို သွားပြီး ဒုက္ခသည်တွေ ပြန်လည်တည်ဆောက်ရေးတွေ လုပ်ပါ တယ်၊ ထူထောင်ရေး အပိုင်းတွေ ကိုင်ပေးနေပါတယ်၊ ကျနော်တို့ ခရစ်ယာန်အသင်းကနေ စာသင် ကျောင်းတွေ လှူပါတယ်၊ အဲဒီမှာ ကျနော် ကူညီပြီး လုပ်ပေးနေပါတယ်၊ လုပ်ပေးနေတဲ့အခါမှာ လိုအပ်တာလေး တွေ ထိရောက်အောင်ပေါ့၊ သူတို့တွေ က ပါဝင်ချင်တယ်၊ အားလုံးကလည်း လုပ်ပေးချင်ကြတယ်၊ အဆိုတော် တွေက ကူညီချင်တာနဲ့ ကျနော်က အခွေလေးသွင်း ပါလား ဆိုပြီးတော့ ကျနော်က စပွန်ဆာ လုပ်ပေးတာပါ”ဟု ၎င်းက ပြောဆိုသည်။
အလားတူ အဆိုတော် ခင်မောင်တိုးကလည်း လေဘေးသင့် ဒုက္ခသည်များကို ပေးလှူရန်ရည်ရွယ်၍ ၎င်း ကိုယ်တိုင် သီဆို မည့် တေးစီးရီးတခွေ ထုတ်လုပ်ရန် စီစဉ်နေကြောင်း ဇနီး ဖြစ်သူက ပြောသည်။
“အဲဒီ အခွေက သီချင်းနည်းနည်းပါးပါးတော့ စုပြီးနေပြီ၊ ခရီးအသွားအလာတွေ နည်းနည်းရှိနေတာနဲ့ အသံသွင်းတာတော့ မစရ သေးပါဘူး၊ အတီးသမားတွေကလည်း အလုပ်နည်းနည်းများနေသေးလို့၊ နာမည်တွေ ဘာတွေလည်း မရွေးရသေး ပါဘူး၊ သီချင်း အဟောင်းထဲကတော့ ကရုဏာ သီချင်းတို့ဘာတို့ကို ရွေးတော့ ရွေးထားပြီး ပါပြီ၊ သီချင်းက အဟောင်းရော အသစ်ရော ပါမှာပါ၊ ကိုယ်ပိုင် သံစဉ်တွေပါပဲ၊ အကုန်လုံးတော့ တိုင်ပင်ထားပြီးပါပြီ၊ တေးရေးတွေက ကိုနိုင်မင်း၊ ကိုအီးချိုနဲ့ အရင်ရေးနေကြ လူတွေပါပဲ”ဟု ၎င်းက ပြောပြသည်။
အဆိုတော် ခင်မောင်တိုးသည် အာဇာနည်၊ မေခလာ၊ ကိုမြတ်မင်း တို့နှင့်အတူ ဂျပန်နိုင်ငံတွင် စင်မြင့် ဖျော်ဖြေပွဲ သီဆိုရန် ယမန်နေ့က ထွက်ခွာသွားကြောင်းလည်း သိရသည်။
“မေခလာ၊ အာဇာနည်နဲ့ ကိုတိုးနဲ့ သုံးယောက်ပါ၊ တီးတာကတော့ ကိုမြတ်မင်း တယောက်ပဲပါတယ်၊ နာဂစ် ရန်ပုံ ငွေပွဲလို့ တော့ ပြောတယ်၊ တပတ် ၁၀ ရက်လောက် ကြာမယ်ဆိုတော့ အဲဒီက ပြန်လာမှပဲ အခု အခွေကို ဆက်လုပ်ရမှာပါ”ဟု အဆိုတော် ခင်မောင်တိုး၏ ဇနီး က ဆိုသည်။အဆိုတော် ခင်မောင်တိုးသည် သီချင်းအဟောင်းများထဲက မထွက်ဘူးသေးသော Live Show အခွေ တခွေကို စိုးသက်အောင် တေးစီးရီးထုတ်လုပ်ရေးနှင့် ရိုက်ကူး စီစဉ်နေကြောင်းလည်း သိရှိရသည်။

နိုင်ငံခြားမြန်မာသံရုံးတွေက လစဉ် ဒေါ်လာ သိန်းဆယ်ဂဏန်းအထက်ရှာပေး

တကမ္ဘာလုံးရှိ မြန်မာသံရုံးအသီးသီးမှ လစဉ် နိုင်ငံခြားငွေ ဒေါ်လာ သိန်း (၂၀) ကျော် ရှာပေးနေ သည့်တိုင် စစ်ဗိုလ်သံအမတ်ကြီးများသာ ထိုငွေထဲမှ အကျိုးအမြတ်ရပြီး အရပ်ဘက်သံတမန် အများစုမှာ မလောက်မင သုံးစွဲနေရသည်ဟု သံတမန်အသိုင်းအ၀ိုင်းက ပြောသည်။
ဝင်ငွေရှာပေးနိုင်သည့် နိုင်ငံခြား မြန်မာသံရုံးကြီးတခုမှ အနည်းဆုံး ဒေါ်လာ (၁) သိန်း အထက် ရှာပေးနိုင်သော်လည်း ထိုငွေများ စစ်အစိုးရ၏ မည်သည့်ငွေစာရင်း ခေါင်းစဉ်အောက်မှာ ရောက် သွားသည်ကို မသိရသဖြင့် ၀န်ထမ်းများ မကျေမနပ် ဖြစ်သည်ဟု စုံစမ်းသိရသည်။

သို့သော် သံရုံးဝန်ထမ်းများအတွက် လစာစရိတ်မှာ လစဉ် ဒေါ်လာ(၅) သောင်းအောက်မှာသာရပြီး သံရုံးဝန်ထမ်းအများစု၏ လူမှုရေးအသုံးစရိတ်ကိုမူ စစ်အစိုးရက ဥပေက္ခာပြုထားသည်ဟု နေပြည်တော် သံတမန်တဦးက ပြောသည်။ အချို့ အရပ်ဘက် အကြီးတန်း သံတမန်များဆိုလျှင် ရသည့်ဒေါ်လာ ပြန်ရောင်းပြီး စရိတ်ကာမိအောင် လုပ်ရသည်ဟုပါ ဆက်ပြောသည်။
ကုမ္ပဏီများပေးသွင်းငွေ၊ တိုးရစ်ဗီဇာမှ ရငွေ၊ ပတ်စ်ပို့ သက်တမ်းတိုးငွေ စသည့်ဝင်ငွေ အများဆုံး ရှာပေးနိုင်သည့် သရုံးများမှာ ဂျပန်မြန်မာသံရုံး၊ ဂျာမနီမြန်မာသံရုံး၊ စင်ကာပူ မြန်မာသံရုံး၊ ကိုရီးယား မြန်မာသရုံး၊ ထိုင်းမြန်မာသရုံး၊ မလေးရှား မြန်မာသံရုံးစသည့် သံရုံးကြီးများ ဖြစ်သည်ဟု စုံစမ်း သိရသည်။
ဝင်ငွေရှားပေးနိုင်သည့် နိုင်ငံခြား မြန်မာသံရုံး စစ်ဗိုလ်သံအမတ်ကြီး အတော်များများဆိုလျှင် သံရုံး ၀င်ငွေအားလုံးကို စစ်အစိုးရလက်သို့ အပ်လေ့မရှိဘဲ ငွေစာရင်းကိုင်နှင့်ပေါင်း၍ အလွဲသုံးစား လုပ်သည်က များသည်ဟု သံရုံးဝန်ထမ်းတဦးက ပြောသည်။
နိုင်ငံခြား မြန်မာသံရုံးအသီးသီးတွင် လခြုံရေးအစောင့်၊ ယာဉ်မောင်း၊ ဧည်ကြိုစာရေး စသည့် ရာထူးများကို ဒေသခံများ၊ ၀န်ထမ်းများ ငှားရမ်းခန့်ထားလေ့ရှိရာ ထိုဝန်ထမ်းများနှင့် သံရုံး အရာရှိအချို့ပေါင်းပြီး အဂတိလိုက်စားမှုမျိုးစုံ လုပ်သည်များလည်းရှိသည်ဟု နေပြည်တော် သတင်းရပ်ကွက်က ပြောသည်။
ထိုင်းနိုင်ငံ ဘန်ကောက် လုံခြုံရေးဝန်ထမ်းတဦးဆိုလျှင် မြန်မာသံမန်အရာရှိများနှင့် တွေ့လိုသူများ ထံမှ ငွေတောာင်းခဲ့သည့် သာဓကများရှိသည်ဟု ပေးကမ်းဖူးသူအချို့က ပြောသည်။ ထိုဒေသခံ ၀န်ထမ်းများနှင့် သံရုံးဝန်ထမ်းများကြား ပြဿနာမျိုးစုံမဖြစ်သည့် မြန်မာသံရုံး အတော်ရှားသည်ဟု ပါ စုံစမ်းသိရသည်။

NEJ/ ၂၅ ဇူလိုင် ၂၀၀၈

မြန်မာကိစ္စ လုံခြုံရေးကောင်စီမှာ သဘောထားကွဲ

မြန်မာနိုင်ငံ၏ လူ့အခွင့်အရေးမှတ်တမ်း တိုးတက်ကောင်းမွန်လာစေရေး၊ ဒီမိုကရေစီ ပြုပြင် ပြောင်းလဲရေးတို့နှင့် ပတ်သက်၍ ကုလသမဂ္ဂလုံခြုံရေးကောင်စီအတွင်း၌ သဘောထားကွဲလွဲမှုများ ဖြစ်ပေါ်နေသည့်ပြင် မစ္စတာဂမ်ဘာရီ၏ ခရီးစဉ်မှ ခိုင်မာသည့်ရလဒ် ထွက်ပေါ်ရန် အမေရိကန်က ဖိအားပေးနေသည်။
ကုလအတွင်းရေးမှူးချုပ်၏ အထူးကိုယ်စားလှယ် မစ္စတာ အီဘရာဟင် ဂမ်ဘာရီ မြန်မာနိုင်ငံသို့ မကြာမီသွားရောက်ရန် ပြင်ဆင်နေစဉ် အဖွဲ့ဝင် (၁၅) နိုင်ငံ ပါဝင်သော လုံခြုံရေးကောင်စီက နိုင်ငံရေးပြောင်းလဲမှုများ ပြုလုပ်ရန် မြန်မာစစ်အစိုးရအပေါ် ဖိအားပေးရန် ပြန်လည်အာရုံစိုက်လာ ခြင်းဖြစ်သည်။
မစ္စတာဂမ်ဘာရီ၏ လာမည့်လ မြန်မာခရီးစဉ်မှ “ခိုင်မာသည့် ရလဒ်” တခု လိုလားကြောင်း၊ သို့မ ဟုတ်ပါက စစ်အစိုးရအနေဖြင့် “ပိုမိုပြင်းထန်သော ဖိအားပေးမှု” ကို ရင်ဆိုင်ရဖွယ်ရှိသည်ဟု အမေရိကန်အစိုးရက ပြောသည်။

ကုလသမဂ္ဂဆိုင်ရာ အမေရိကန်သံအမတ် ဇာမေး ခါလီဇဒ်က “စစ်အစိုးရကို ကျနော်အသိပေးလို တာကတော့ မစ္စတာဂမ်ဘာရီရဲ့ခရီးစဉ်ကို အခွင့်ကောင်းတခုအဖြစ် အရယူပါ။ စာမျက်နှာအသစ် တခုကို ဖွင့်လိုက်ပါ။ ဒါမှမဟုတ်ရင်တော့ ပိုပြီးဖိအားပေးခံရ မယ်ဆိုတာပါပဲ” ဟု သတင်းထောက် များကို ပြောသည်။
မစ္စတာဂမ်ဘာရီ၏ ခရီးစဉ်အောင်မြင်မှုအတွက် နိုင်ငံရေးလုပ်ငန်းစဉ်များအပေါ် မြန်မာစစ်အစိုးရ၏ ပူးပေါင်းဆောင်ရွက်မှု၊ ၂၀၁၀ ပြည့်နှစ် ရွေးကောက်ပွဲမတိုင်မီ နိုင်ငံရေးပြောင်းလဲမှုနှင့် ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားများကို လွှတ်ပေးမှုတို့ လိုအပ်ကြောင်း ၎င်းက ပြောသည်။
ကုလသမဂ္ဂဆိုင်ရာ ဗြိတိန်သံအမတ် ဂျွန်ဆ၀ါးက မြန်မာနိုင်ငံအပေါ် ဖိအားပေးမည့် အတိုင်းအတာ ကို သဘောတူရန် လုံခြုံရေးကောင်စီအဖွဲ့ဝင်နိုင်ငံများအကြား အခက်အခဲများ ရှိနေသည်ကို အသိ မှတ်ပြုသော်လည်း လုံခြုံရေးကောင်စီအနေဖြင့် မြန်မာနိုင်ငံ၏ နိုင်ငံရေးပြဿနာများအပေါ် ဆက်လက်အာရုံစိုက်သင့်ကြောင်း ပြောသည်။
မစ္စတာဂျွန်ဆ၀ါးက “မြန်မာစစ်အစိုးရက နိုင်ငံတကာရဲ့တောင်းဆိုချက်တွေကို တုံ့ပြန်တာ မရှိတဲ့ အတွက် ကျနော်တို့မှာ အကျပ်အတည်းဖြစ်နေတဲ့ အနေအထားရှိပါတယ်။ ပြီးခဲ့တဲ့ ခြောက်လ လောက်ကဆို မြန်မာနိုင်ငံဟာ ဟိုးအရင်တုန်းက အနေအထား ပြန်ရောက်သွားတာပဲ” ဟု သတင်းထောက်များကို ပြောသည်။
သို့သော် ကုလသမဂ္ဂဆိုင်ရာ တရုတ်သံအမတ် ၀န်ဂွမ်ကျားကမူ မြန်မာနိုင်ငံအရေးသည် လုံခြုံရေး ကောင်စီ၏ အရေးယူမှု မလိုအပ်ပဲ စိတ်ရှည်သည်းခံရန်သာ လိုအပ်သည်ဟုပြောသည်။ ကုလ သမဂ္ဂဆိုင်ရာ ဗီယင်နမ်အမတ် လီလောင်မင်းကမူ မြန်မာ့ပြဿနာသည် ကျယ်ပြန့်သဖြင့် ဖြစ်ပေါ် လာမည့် မည်သည့်ဖြေရှင်းချက်မဆိုလည်း ကျယ်ပြန့်ရမည်ဟု ပြောသည်။
မစ္စတာဂမ်ဘာရီ ခရီးစဉ်ကိစ္စနှင့် ပတ်သက်၍ ကုလသမဂ္ဂ အထွေထွေအတွင်းရေးမှူး ဘန်ကီမွန်း ကလည်း လုံခြုံရေးကောင်စီ အမြဲတမ်းအဖွဲ့ဝင် (၅) နိုင်ငံအပါအ၀င် မြန်မာ့မိတ်ဆွေနိုင်ငံများအစု ဖြစ်သည့် အိန္ဒိယ၊ ထိုင်း၊ အင်ဒိုနီးရှား၊ စင်ကာပူ၊ ဗီယက်နမ်၊ ဂျပန်တို့နှင့် ဆွေးနွေးခဲ့ပြီးနောက် မစ္စတာဂမ်ဘာရီ၏ ခရီးစဉ်သည် “နိုင်ငံတကာ၏ စိုးရိမ်ပူပန်မှုများနှင့် ကိုက်ညီနိုင်သော တိုးတက် မှုတစုံတရာ ဖော်ဆောင်ပေးရန်” လိုအပ်သည်ဟု ထုတ်ပြန်ခဲ့သည်။
မစ္စတာဂမ်ဘာရီ၏ လာမည့်လ မြန်မာခရီးစဉ်သည် တတိယအကြိမ်မြောက်ဖြစ်ပြီး ဒုတိယအကြိမ် ခရီးစဉ်အတွင်း မြန်မာထိပ်တန်းစစ်ခေါင်းဆောင်များနှင့် တွေ့ဆုံခွင့်မရသဖြင့် သိသာသည့် အောင်မြင်မှု မရရှိခဲ့ကြောင်း ၎င်းက ထုတ်ဖော်ခဲ့သည်။

Agencies/ ၂၅ ဇူလိုင် ၂၀၀၈

မစ္စတာဂမ်ဘာရီ ခရီးစဉ်ကို အခွင့်အလမ်းတရပ်အဖြစ် အသုံးပြုရန် မြန်မာအစိုးရကို အမေရိကန်တိုက်တွန်း

25 July 2008/VOA

ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် မစ္စတာဂမ်ဘာရီ(Mr. Gambari) ရဲ့ မြန်မာနိုင်ငံခရီးစဉ်ကို အခွင့်အလမ်းတရပ်အနေနဲ့ အသုံးပြုပြီး နိုင်ငံတကာနဲ့ပူးပေါင်းဆောင်ရွက်ဖို့ ကုလသမဂ္ဂဆိုင်ရာ အမေရိကန်သံအမတ်ကြီးက မြန်မာစစ်အစိုးရကိုတိုက်တွန်းသွားပါတယ်။ အပြည့်အစုံကိုကိုသားညွန့်ဦးက တင်ပြပေးထားပါတယ်။
မနေ့က ကုလသမဂ္ဂ လုံခြုံရေးကောင်စီမှာမြန်မာ့အရေး ဆွေးနွေးညှိနှိုင်းမှုတွေ လုပ်ပြီးတဲ့နောက် ကုလသမဂ္ဂဆိုင်ရာ အမေရိကန်သံအမတ်ကြီး ဇာမေးလ် ခါလီဇတ်(Zalmay Khalilzad) က အခုလို ပြောသွားခဲ့တာပါ။
"မြန်မာစစ်အစိုးရအနေနဲ့ မစ္စတာဂမ်ဘာရီရဲ့ ဒီခရီးစဉ်ကို အခွင့်အလမ်းတရပ်အနေနဲ့အသုံးပြုဖို့ ပြောလိုပါတယ်။ အချိန်သတ်မှတ်မှုထားရှိတဲ့ ညှိနှိုင်းဆွေးနွေးပွဲတွေလုပ်၊ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသားတွေကို လွှတ်ပေးပြီး ပူးပေါင်းဆောင်ရွက်မှုတွေနဲ့ စာမျက်နှာသစ်တရပ် ဖွင့်မလား၊ ပိုပြီးပြင်းထန်တဲ့ နိုင်ငံတကာဖိအားတွေကို ရင်ဆိုင်မလား မေးခွန်းထုတ်ချင်ပါတယ်။ ဘယ်ဟာကို ရွေးမလဲဆိုတာသူတို့အပေါ်တည်ပါတယ်။"
မနေ့ကလုပ်တဲ့ လုံခြုံရေးကောင်စီ မြန်မာ့အရေး ဆွေးနွေးပွဲမှာတော့ ပြီးခဲ့တဲ့ဆိုင်ကလုံးမုန်တိုင်း နောက်ဆက်တွဲ နိုင်ငံတကာ လူသားချင်းစာနာကူညီရေး ကိစ္စတွေကို အတော်လေး အလေးပေးပြောဆိုခဲ့ကြတယ်လို့ ဆိုပါတယ်။ အမေရိကန်ပြည်ထောင်စု အနေနဲ့ကတော့ နိုင်ငံရေးအရ မတူကွဲပြားမှုတွေကို အသာဘေးဖယ်ထားပြီး လူသားချင်းစာနာမှုကိစ္စကို အလေးပေးခဲ့တယ်လို့ သံအမတ်ကြီးက သတင်းထောက်တွေကို ပြောပါတယ်။
"ဒီကိစ္စမှာ ကျနော်တို့အနေနဲ့ ဒီထက်ကို ပိုပြီး အကူအညီတွေပေးနိုင်ဖို့ ခွင့်ပြုချက်မရတာကိုပဲ ၀မ်းနည်းမိပါတယ်။ အမေရိကန်နဲ့ အခြားနိုင်ငံတွေအနေနဲ့က အဲဒီကလေဘေးဒုက္ခသည် ပြည်သူတွေအတွက် သူတို့လိုအပ်ချက်တွေကို ဒီထက်ပိုပြီး အကူအညီ ပေးလိုကြပါတယ်။ အခုလို အရေးတကြီး လူသားတွေအတွက် လိုအပ်ချက်တွေရှိနေချိန်မှာ ကျနော်တို့အနေနဲ့ နိုင်ငံရေးအရ မတူကွဲပြားတာတွေကို အသာထားပြီးလူသားချင်းစာနာရေး လုပ်ငန်းတွေကိုပဲ အမြဲ ဖြေရှင်းဆောင်ရွက်ပါတယ်။"
အခုလို ကပ်ဘေးဆိုးကြောင့် ဒုက္ခရောက်တဲ့ ပြည်သူတွေအတွက် အကူအညီပေးရေးကိစ္စတွေကို ဆက်ပြီးလုပ်သွားရမှာ ဖြစ်ပေမယ့်လို့ နိုင်ငံရေးအခြေအနေတွေကိုလည်းပြန်လှည့်စဉ်းစားဖို့ အချိန်ရောက်လာပြီလို့လည်း အမေရိကန်သံအမတ်ကြီးကပြောသွားပါတယ်။ အခု မစ္စတာဂမ်ဘာရီရဲ့ ခရီးစဉ်အတွင်း တစုံတရာ ရလဒ်ထွက်လာဖို့မျှော်လင့်ထားတယ်လို့ ဆိုပါတယ်။
"မစ္စတာဂမ်ဘာရီရဲ့ အခု သြဂုတ်လခရီးစဉ်ကနေ အခိုင်အမာရလဒ်တွေရဖို့ ကျနော်တို့မျှော်လင့်ထားတယ်လို့ မစ္စတာဂမ်ဘာရီကို ပြောထားပါတယ်။ အခုလာမယ့် ၂၀၁၀ ခုနှစ် ရွေးကောက်ပွဲမတိုင်ခင်မှာ အချိန်ကာလသတ်မှတ်ထားတဲ့ ညှိနှိုင်းဆွေးနွေးမှုတွေနဲ့ နိုင်ငံရေးအသွင်ကူးပြောင်းမှုတရပ် ဖြစ်လာဖို့ မစ္စတာဂမ်ဘာရီအနေနဲ့ သဘောတူညီချက်တရပ် အောင်အောင်မြင်မြင် ယူလာနိုင်မယ်လို့ ယူဆထားပါတယ်။ ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသားတွေ လွတ်မြောက်လာဖို့ လိုပါတယ်။"
အကယ်၍သာ အခုလို မြန်မာအစိုးရဘက်ကနေ မစ္စတာဂမ်ဘာရီနဲ့ ပူးပေါင်းဆောင်ရွက်ပြီး တိုးတက်မှုတွေ ရလာမယ်ဆိုရင်တော့ နိုင်ငံတကာဘက်ကလည်း အပြုသဘောတုံ့ပြန်မှာပါလို့ အမေရိကန်သံအမတ်ကြီး ဇာမေးလ် ခါလီဇတ်က ပြောပါတယ်။ဒါပေမယ့်လို့ အတိုက်အခံနဲ့ အစိုးရအကြား ညှိနှိုင်းဆွေးနွေးမှုတွေ ဖြစ်မလာဘူး၊တိုးတက်မှုတွေ ရှိမလာဘူးဆိုရင်တော့ အခြားနည်းလမ်းတွေနဲ့ ဖိအားပေးတာတွေကိုစဉ်းစားရမယ်လို့လည်း သံအမတ်ကြီးက သတိပေးခဲ့ပါတယ်။
ကုလသမဂ္ဂ လုံခြုံရေးကောင်စီရဲ့ အလှည့်ကျဥက္ကဋ္ဌတာဝန် ယူထားတဲ့ ဗီယက်နမ်နိုင်ငံသံအမတ်ကြီးကလည်း မြန်မာ့အိမ်နီးချင်းနိုင်ငံတွေဟာ မြန်မာ့နိုင်ငံရေးနဲ့ပတ်သက်လို့အနီးကပ်ကို စောင့်ကြည့်အကဲခတ်နေတယ်လို့ ပြောသွားပါတယ်။
"မြန်မာ့အိမ်နီးချင်းနိုင်ငံ၊ အာဆီယံဒေသအဖွဲ့ဝင် နိုင်ငံအနေနဲ့၊ ဗီယက်နမ်နိုင်ငံဟာမြန်မာနိုင်ငံအခြေအနေကို အနီးကပ်ကို စောင့်ကြည့်နေပါတယ်။ ဗီယက်နမ်နဲ့ အခြားအိမ်နီးချင်းနိုင်ငံတွေဟာ မြန်မာနိုင်ငံ တည်ငြိမ်ရေးကို လိုလားပါတယ်။ ကယ်ဆယ်ရေးလုပ်ငန်းတွေအတွက် မြန်မာ၊ အာဆီယံနဲ့ ကုလသမဂ္ဂတို့အကြား ထိရောက်တဲ့ ပူးပေါင်းဆောင်ရွက်မှုတွေဟာ တိုးတက်အောင်မြင်မှုတွေ ရခဲ့ပါတယ်။ ဒီလိုဆောင်ရွက်မှုတွေကြောင့် အခုဆိုရင် အဲဒီဒေသတွေမှာ ငတ်မွတ်မှုပြဿနာ၊ ရောဂါပြန့်ပွားမှု ပြဿနာမျိုးတွေ မကြုံရပါဘူး။ ဒါကြောင့် ဒီလို ပူးပေါင်းဆောင်ရွက်မှုမျိုးတွေကပဲ မြန်မာအစိုးရနဲ့မြန်မာပြည်သူတွေ ကြုံနေရတဲ့ အကျပ်အတည်းတွေကို ကျော်လွှားနိုင်စေလိမ့်မယ်လို့ယုံကြည်ပါတယ်။"လုံခြုံရေးကောင်စီဥက္ကဋ္ဌ ဗီယက်နမ်နိုင်ငံကတော့ အာဆီယံရဲ့ မူအတိုင်းပဲ မြန်မာနိုင်ငံနဲ့ပတ်သက်လို့ နိုင်ငံတကာအနေနဲ့လည်း မြန်မာအစိုးရနဲ့ ပူးပေါင်းဆောင်ရွက်ဖို့ကိုပဲလိုလားတယ်လို့ ဆိုပါတယ်။ မနေ့က လုံခြုံရေးကောင်စီ တံခါးပိတ်အစည်းအဝေးကတော့ မြန်မာနဲ့ပတ်သက်လို့ အခြားလုံခြုံရေးကောင်စီ အဖွဲ့ဝင်နိုင်ငံတွေရဲ့ သဘောထား၊သူတို့ဆီကနေ မြန်မာအစိုးရကိုပြောလိုတဲ့ သတင်းစကား စတာတွေကို မစ္စတာဂမ်ဘာရီနဲ့ အကြုံပါးလိုတဲ့သဘောနဲ့ ညှိနှိုင်းဆွေးနွေးပွဲသဘောသာ ဖြစ်ပါတယ်။ ဒီကနေမှမစ္စတာဂမ်ဘာရီအပြန် လုံခြုံရေးကောင်စီမှာ နောက်တကြိမ်ဆွေးနွေးကြမယ်လို့လည်းသိရပါတယ်။

အမေရိကန်က အာစီယံနိုင်ငံများကို စစ်အစိုးရအား ဖိအားပေးရန်ပြောဆို

ဉာဏ်မောင်။ ဇူလိုင် ၂၄၊ ၂၀၀၈

မြန်မာပြည်ဒီမိုကရေစီနှင့် လူ့အခွင့်အရေးတိုးတက်ရေးအတွက် အရှေ့တောင်အာရှနိုင်ငံများမှ မြန်မာစစ်အစိုးရအား ဖိအားပေးတိုက်တွန်းရန် အမေရိကန်နိုင်ငံက တောင်းဆိုလိုက်သည်။
အမေရိကန်နိုင်ငံခြားရေးဝန်ကြီး ကွန်ဒိုလီဇာရိုက်စ်က ယမန်နေ့ အာစီယံနိုင်ငံခြားရေးဝန်ကြီး များ အစည်းဝေးအပြီးတွင် ပြောဆိုလိုက်ခြင်းဖြစ်သည်။
အာစီယံနိုင်ငံများအနေဖြင့် မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်နှင့်တကွ နိုင်ငံရေးအကျဉ်းသားများအားလုံး အမြန်ဆုံးလွှတ်ပေးရန်အတွက် စစ်ဗိုလ်ချုပ်ကြီးများကို ဖိအားပေးပြောဆိုရန် အထူးလိုအပ်ကြောင်း ဒေါက်တာရိုက်စ်က ပြောဆိုခဲ့သည်။

ထို့အပြင် ဒေါ်အောင်ဆန်းစုကြည်အား နေအိမ်အကျယ်ချုပ်သက်တမ်းတိုးမြှင့်လိုက်ခြင်းအပေါ် အလွန်စိတ်ပျက်မိကြောင်း တနင်္ဂနွေနေ့ကထုတ်ပြန်သည့် အာစီယံနိုင်ငံခြားရေးဝန်ကြီးများ၏ ကြေညာချက်တွင် ဖော်ပြထားသည်။
ယခုကဲ့သို့ ဒေါ်အောင်ဆန်းစုကြည်အရေးနှင့်ပတ်သက်၍ အာစီယံအဖွဲ့က ပြောဆိုလိုက်ခြင်း သည် ပထမဆုံးအကြိမ်ဖြစ်ကြောင်း သံတမန်အသိုင်းဝိုင်းက ဆိုသည်။
ဒေါက်တာရိုက်စ်က အာစီယံသည် အဖွဲ့ဝင်နိုင်ငံများကြားတွင် ပိုမိုခိုင်မာတောင့်တင်းသော ဒီမိုကရေစီစနစ်ဖြင့် အုပ်ချုပ်ရေးအတွက် အကောင်းဆုံးနည်းလမ်းများဖြစ်သည်ဟု ဆက်လက် ပြောဆိုခဲ့သည်။
ယခုလ (၂၂) ရက်နေ့တွင် စတင်ပြုလုပ်သည့် အာစီယံနိုင်ငံခြားရေးဝန်ကြီးများအစည်းအဝေးသို့ မြန်မာနိုင်ငံခြားရေးဝန်ကြီး ဦးဉာဏ်ဝင်းနှင့် ကိုယ်စားလှယ်အဖွဲ့များတက်ရောက်ခဲ့ပြီး အာစီယံ ချာတွင် လက်မှတ်ရေးထိုးမှုများ ပြုလုပ်ခဲ့သည်။

yoma3

အာဆီယံပေါ် ကွန်ဒိုလီဇာရိုက်စ်၏ တိုက်တွန်းချက်အား မြန်မာအတိုက်အခံများ ကြိုဆို

အမေရိကန် နိုင်ငံခြားရေးဝန်ကြီး ကွန်ဒိုလီဇာရိုက်စ်က အာဆီယံ အနေနှင့် မြန်မာ့နိုင်ငံရေး အပြောင်းအလဲအတွက် ပိုမို လုပ်ဆောင်သင့်ကြောင်း ပြောဆိုမှုကို မြန်မာ့ဒီမိုကရေစီ အင်းအားစုများက ကြိုဆိုလိုက်သည်။
အမေရိကန် နိုင်ငံခြားရေးဝန်ကြီး
စင်ကာပူနိုင်ငံတွင် လတ်တလောကျင်းပလျက်ရှိသည့် အာဆီယံဒေသတွင်း လုံခြုံရေးအစည်းအဝေး၌ အာဆီယံ နိုင်ငံခြားရေးဝန်ကြီးများအား အမေရိကန် နိုင်ငံခြားရေးဝန်ကြီး ကွန်ဒိုလီဇာရိုက်စ်က ပြောဆိုခြင်းဖြစ်သည်။
အန်အယ်လ်ဒီပါတီ ပြောရေးဆိုခွင့်ရှိသူ ဦးဉာဏ်ဝင်းက “ကွန်ဒိုလီဇာရိုက် (စ်) ပြောတာကတော့ ကျနော်တို့ အတိုက်အခံပါတီ၊ ဒီမိုကရေစီလှုပ်ရှားသူတွေ အားလုံးလိုချင်တဲ့ အမျိုးသားရင်ကြားစေ့ရေးကို ဦးတည်တဲ့စကားတွေလို့ မြင်ပါတယ်” ဟု ပြောသည်။

အမေရိကန်နိုင်ငံ၏ တိုက်တွန်းချက်များနှင့်ပတ်သက်၍ အာဆီယံအဖွဲ့က မူလကချမှတ်ထားသည့် မူဝါဒများကို ပြုပြင်ပြောင်းလဲသည့်သဘောထား ပေါ်ပေါက်လာနိုင်မည်ဟု မျှော်လင့်ရကြောင်း ဦးဉာဏ်ဝင်းက ဆက်ပြောသည်။
၈၈ မျိုးဆက် ကျောင်းသားအဖွဲ့၏ ပြောရေးဆိုခွင့်ရှိသူ ကိုထွန်းမြင့်အောင်က “အမေရိကန်က နိုင်ငံတခုချင်းအနေနဲ့ကော လုံခြုံရေးကောင်စီ၊ အာရှနိုင်ငံများ အနေနဲ့ပါ နည်းလမ်းအမျိုးစုံနဲ့ မြန်မာနိုင်ငံ ဒီမိုကရေစီထွန်းကားရေးနဲ့ နိုင်ငံရေး အကျဉ်းသားတွေ လွတ်မြောက်ရေး၊ လူ့အခွင့်အရေးတွေအတွက် တလျှောက် လုံးလုပ်လာခဲ့တဲ့အတွက် ၀မ်းသာအားရဖြစ်မိပါတယ်၊ ကျေးဇူးတင်ပါတယ်” ဟု ဧရာဝတီကို ပြောသည်။
မြန်မာ့နိုင်ငံရေး အပြောင်းအလဲနှင့် ပတ်သက်၍ နိုင်ငံတကာအသိုင်းအ၀န်းက အာဆီယံအဖွဲ့ကို ဖိအားပေးမှုများရှိခဲ့ သော်လည်း ၎င်းအဖွဲ့က လက်တွေ့ကျသည့် အစီအစဉ်များကို လုပ်ဆောင်ခြင်းမရှိဟုလည်း ကိုထွန်းမြင့်အောင်က ပြောသည်။
“မြန်မာစစ်အုပ်စုကို ကိုင်တွယ်ရခက်တာကို သူတို့ (အာဆီယံ) သိတယ်၊ မြန်မာဟာ အာဆီယံအဖွဲ့ထဲမှာ အရှုပ်ထုပ်ကြီး ဖြစ်နေတယ်ဆိုတာကိုလည်း သူတို့သိတယ်။ ဒါပေမယ့် ထိရောက်တဲ့ ဖြေရှင်းမှုမျိုးမရှိဘူး။ အာဆီယံနိုင်ငံတွေရဲ့ ဒီမိုကရေစီ နဲ့ လူ့အခွင့်အရေးကို တန်းဖိုးထားမှုကိုက လျော့နေတယ်လို့မြင်တယ်။ သူတို့ရဲ့ ကိုယ်ကျိုးစီးပွားတွေအပေါ်မှာ ပိုပြီးအလေး ကဲနေတယ်လို့ ကျနော်မြင်တယ်” ဟု ကိုထွန်းမြင့်အောင်က သုံးသပ်သည်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများလွတ်မြောက်ရေးသည် နိုင်ငံရေး ပြဿနာများ ပြေလည်စေရေးအတွက် အဓိကအချက်တချက်ဖြစ်သောကြောင့် အာဆီယံ နိုင်ငံခြားရေးဝန်ကြီးများက ဒေါ်အောင်ဆန်းစုကြည်အား လွှတ်ပေးရန် မြန်မာစစ်အစိုးရကို ယခုရက်ပိုင်းအတွင်း ထပ်မံတောင်းဆိုထားပြီး မေလအတွင်း က ဒေါ်စုအား အကျယ်ချုပ်သက်တမ်းတနှစ် ထပ်တိုးလိုက်သည့်အပြော လွန်စွာစိတ်ပျက်မိသည်ဟုလည်း စင်ကာပူ နိုင်ငံခြားရေးဝန်ကြီး ဂျော့ယို က ပြောဆိုသည်။
အာဆီယံဒေသတွင်း လုံခြုံရေးအစည်းအဝေးသို့ မြန်မာစစ်အစိုးရ နိုင်ငံခြားရေးဝန်ကြီး ဦးဉာဏ်ဝင်း တက်ရောက်လျက်ရှိပြီး လူ့အခွင့်အရေးကော်မတီ ဖွဲ့စည်းမှုပါဝင်သည့် အာဆီယံ ပဋိညာဉ်စာတမ်းကို စစ်အစိုးရကိုယ်စား ယခုအပတ် တင်္နလာနေ့က လက်မှတ်ရေးထိုးခဲ့သည်။
“အာဆီယံအသိုင်းအ၀န်းမှာ လူအခွင့်အရေးကို လူတိုင်းခံစားဖို့နဲ့ပတ်သက်ပြီး မြန်မာနိုင်ငံက သဘောတူတာကို ကျနော်တို့ ကျေနပ်ပါတယ်။ လက်မှတ်ထိုးရုံတင်မက တကယ်အကောင်အထည်ဖော်ဖို့က ပိုအရေးကြီးတယ်လို့ မြင်ပါတယ်။ အာဆီယံ အဖွဲ့ကိုလည်း စီးပွားရေးအဖွဲ့အစည်းအပြင် ဒီမိုကရေစီနဲ့ လူ့အခွင့်အရေးကို ဦးစားပေး ဆောင်ရွက်တဲ့ အဖွဲ့အစည်းတခု အဖြစ် ဖြစ်ပေါ်စေချင်ပါတယ်” ဟု အန်အယ်လ်ဒီ ပြောရေးဆိုခွင့်ရှိသူ ဦးဉာဏ်ဝင်းက ပြောသည်။လွန်ခဲ့သည့် မေလ ၂ ရက်နှင့် ၃ ရက်နေ့ မြန်မာနိုင်ငံတွင် နာဂစ်မုန်တိုင်းတိုက်ခိုက်ခဲ့ပြီးနောက် နိုင်ငံတကာအကူအညီများကို နအဖ စစ်အစိုးရက တင်းခံခဲ့ရာ အာဆီယံအဖွဲ့က ကြားဝင်စေ့စပ်ပေးခဲ့သဖြင့် ကုလသမဂ္ဂ အထွေထွေအတွင်းရေးမှူးချုပ် မစ္စတာ ဘန်ကီမွန်းက ချီးမွမ်းခဲ့သည်။

ကိုသက် ဇူလိုင် ၂၄၊ ၂၀၀၈/The Irrawaddy

ရုပ်ရှင်မင်းသား ကျော်သူ၏ ရုပ်ရှင်ကား ရုံတင်မည်

ရုပ်ရှင်ရိုက်ကူးခွင့် ပိတ်ပင်ခံထားရသည့် ရုပ်ရှင်သရုပ်ဆောင် အကယ်ဒမီကျော်သူ ခေါင်းဆောင် ပါဝင်သည့် ရုပ်ရှင်ကား ဇူလိုင် (၂၅) ရက်၌ ရုံတင်မည်ဟု သိရသည်။
အဆိုပါ ဇာတ်ကားသည် အကယ်ဒမီ ကျော်သူနှင့် အကယ်ဒမီ မို့မို့မြင့်အောင်တို့ ခေါင်းဆောင်ပြီး စိုင်းစိုင်းခမ်းလှိုင်၊ သက်မွန်မြင့်တို့ ပါဝင်သည့် ရင်ခုန်နှင်းဆီအမည်ရ ရုပ်ရှင်ဇာတ်ကားကြီးဖြစ်ပြီး ဇူလိုင် (၂၅) ရက်နေ့မှစပြီး ရန်ကုန်မြို့ သမ္မတ၊ သွင်နှင့် မင်္ဂလာရုံတို့တွင် ရုံတင်ပြသမည်ဖြစ်သည်။
ရင်ခုန်နှင်းဆီဇာတ်ကားနှင့် ပတ်သက်၍ ကျော်ရုပ်ရှင်ထုတ်လုပ်ရေးမှ အမည်မဖော်လိုသူ တာဝန် ရှိသူတဦးက “ဒီဇာတ်ကား ပြသခွင့်ရဖို့ ရုပ်ရှင်ကော်ပိုရေးရှင်းကို ကျနော်တို့ သီးသန့် အသနားခံစာ တင်ရတယ်။ တင်ပြထားတာ ကြာပြီ၊ ခုမှ သူတို့က ခွင့်ပြုတာ။ ခွင့်ပြုလို့ သတင်းစာမှာ ကြော်ငြာ ထည့်တာတောင် ကိုကျော်သူရဲ့ ပုံကို ဖော်ပြခွင့်မရဘူး။ ရုပ်ရှင်အနေနဲ့ ခွင့်ပြုချက်ရတာ ကျနော်တို့ ပထမဦးဆုံးဖြစ်ပြီး နောက်ထပ် ရုပ်ရှင်တကားလည်း အသနားခံစာ တင်ထားတယ်” ဟုပြောသည်။

ရုပ်ရှင်သရုပ်ဆောင် အကယ်ဒမီ ကိုကျော်သူသည် နာရေးကူညီမှုအသင်း (ရန်ကုန်) ကို ဦးဆောင် လုပ်ကိုင်နေသူဖြစ်ပြီး အခမဲ့ သယ်ဆောင်မီးသဂြုင်္ိဟ်ပေးခြင်း၊ အခမဲ့ ဆေးကုသပေးခြင်းဖြင့် ပြည်သူများကို ကူညီပေးနေခြင်းဖြစ်သည်။
ပြီးခဲ့သည့်နှစ် စက်တင်ဘာလ သံဃာများ ဦးဆောင်သည့် ရွှေဝါရောင်တော်လှန်ရေး ကာလ၌ ကိုကျော်သူသည် သရုပ်ဆောင်ဒါရိုက်တာ မောင်သူရခေါ် ဇာဂနာ၊ အခြား အနုပညာရှင်၊ စာရေး ဆရာ၊ ကဗျာဆရာများနှင့် ပူးပေါင်းပြီး သပိတ်မှောက် သံဃာတော်များ၏ ဆွမ်းကွမ်းဝေယျာဝစ္စ ကိစ္စများ ဆောင်ရွက်ပေးခဲ့သည်။
နအဖစစ်အစိုးရက သံဃာတော်များ ဦးဆောင်သည့် သပိတ်မှောက်ကံဆောင်မှုကို နှိမ်နင်းစဉ် ကိုကျော်သူနှင့်ဇနီးကိုပါ ဖမ်းဆီး ထိန်းသိမ်းခဲ့သည်။ နောက်ပိုင်း ကိုကျော်သူတို့ ဇနီးမောင်နှံကို ပြန်လွှတ်ပေးခဲ့သော်လည်း ရုပ်ရှင်၊ ဗီဒီယို ရိုက်ကူးခွင့်အပါအ၀င်၊ စာပေအနုပညာ အလုပ်လုပ်ခွင့် များကို ပိတ်ပင်ခဲ့ရုံမက ဂျာနယ်၊ မဂ္ဂဇင်းများတွင်လည်း နာမည်ကိုပင် ဖော်ပြခွင့် မပြုခဲ့ပေ။
ထိုသို့ တားမြစ်လိုက်ချိန်က ကိုကျော်သူအနေဖြင့် ရိုက်ကူးပြီး၊ ရိုက်လက်စ ဗီဒီယို ကားပေါင်း (၆၀) ကျော်နှင့် ရုပ်ရှင်ဇာတ်ကားကြီး (၂) ကားကိုပါ ပြသခွင့် ပိတ်ပင်ခံခဲ့ရသည်။ နောက်ပိုင်း ဗီဒီယိုနှင့် ရုပ်ရှင်ဇာတ်ကား ထုတ်လုပ်သူများက ၎င်းတို့အနေဖြင့် ငွေကြေးမြောက်မြားစွာ ဆုံးရှုံးကြရမည် ဖြစ်၍ ပြသခွင့်ပြုပါရန် အာဏာပိုင်များထံ အသနားခံစာ တင်ပြ၊ အချို့ လက်ဆောင်များပေးပြီး လာဘ်ထိုးကြ၍ ဗီဒီယိုကားအချို့ ပြန်လည် ပြသခွင့်ရလာသည်။
ယခု ဇူလိုင် (၂၅) ရက် ရုံတင်မည့် ရင်ခုန်နှင်းဆီဇာတ်ကားသည် ပထမဦးဆုံး ရုပ်ရှင်ဇာတ်ကားကြီး ဖြစ်သည်။ ရိုက်ကူးပြီး ဗီဒီယို၊ ရုပ်ရှင်များ ပြသခွင့် ရလာသော်လည်း ရုပ်ရှင်၊ ဗီဒီယိုရိုက်ကူးရေး အပါအ၀င် အနုပညာအလုပ် လုပ်ကိုင်ခွင့်များကိုမူ ဆက်လက်တားမြစ်ခံထားရဆဲ ဖြစ်သည်။
ကိုကျော်သူ ဦးဆောင်နေသည့် နာရေးကူညီမှုအသင်း (ရန်ကုန်) သည် နာရေးကူညီခြင်း၊ ဆေးခန်း ဖွင့်လှစ်၍ အခမဲ့ ဆေးကုသပေးခြင်း အပြင် လေဘေးသင့် ဒေသများတွင် အလောင်းများကို မီးသင်္ဂြိုဟ်ပေးခြင်း၊ ပြည်သူများကို ကူညီကယ်ဆယ်ပေးခြင်းတို့ကို လုပ်ကိုင်ဆောင်ရွက်လျက် ရှိသည်။
ပြီးခဲ့သည့်နှစ် စက်တင်ဘာတွင် မြန်မာနိုင်တ၀န်း၌ နအဖစစ်အစိုးရအား ဆန့်ကျင်သည့် သံဃာ တော်များဦးဆောင်သော အထွေထွေသပိတ်တိုက်ပွဲကြီး ဖြစ်ပွားခဲ့ပြီး စစ်အစိုးရ အာဏာပိုင်များက သံဃာတော်များနှင့် ပြည်သူများအား ပစ်ခတ်ရိုက်နှက် ဖမ်းဆီးခဲ့သည်။

NEJ/ ၂၄ ဇူလိုင် ၂၀၀၈

မြန်မာ မိတ်ဆွေနိုင်ငံများ အစည်းအဝေး ကုလ အတွင်းရေးမှုးချုပ် ခေါ်ယူ

မြန်မာနိုင်ငံနဲ့ပတ်သက်လို့ လုံခြုံရေးကောင်စီအစည်းအဝေးမခေါ်ခင် တရက် မနေ့ကတော့ ကုလသမဂ္ဂအတွင်းရေးမှုးချုပ် မစ္စတာဘန်ကီမွန်းဟာ မြန်မာနိုင်ငံနဲ့ပတ်သက်လို့ မိတ်ဆွေနိုင်ငံများအစည်းအဝေးကို ခေါ်ယူကျင်းပခဲ့ပါတယ်။ တိတိပပ ရလာဒ်တွေမထွက်ခဲ့ပေမယ့်လို့ ဒါဟာ လုံခြုံရေးကောင်စီအစည်းအဝေးမှာ ဘယ်လိုဆွေးနွေးချက်တွေ ဘယ်လိုဆုံးဖြတ်ချက်တွေလုပ်မလဲဆိုတာ အတွင်းရေးမှုးချုပ်ကနေ အဖွဲ့ဝင်နိုင်ငံတွေအကြား ညှိုနှိုင်းတိုင်ပင်တဲ့ သဘောလို့ ယူဆရပါတယ်။ ဒီအကြောင်းကို ဦးသားညွန့်ဦးက တင်ပြပေးပါတယ်။
နယူးယောက် ကုလသမဂ္ဂဌာနချုပ် လုံခြုံရေးကောင်စီမှာတော့ အခု ဇူလှိုင် ၂၄ အမေရိကန်စံချိန် မွန်းလွဲပိုင်းမှာ မြန်မာ အရေးဆွေးနွေးပွဲ လုပ်ကြမှာပါ။ လုံခြုံရေးကောင်စီ အစည်းအဝေးမတိုင်ခင် မြန်မာနိုင်ငံနဲ့ ပတ်သက်လို့ နိုင်ငံတွေအကြား မတူညီတဲ့ သဘောထားတွေကို စုဆောင်းတာ၊ ညှိုနှိုင်းတာလုပ်တဲ့အနေနဲ့ အတွင်းရေးမှုးချုပ် ဘန်ကီမွန်းကနေ အခု မြန်မာမိတ်ဆွေနိုင်ငံများအစည်းအဝေးကို ခေါ်ယူတာလို့ ယူဆရပါတယ်။ ဒီအစည်းအဝေးနဲ့ ပတ်သက်လို့ ကုလသမဂ္ဂ အတွင်းရေးမှုးချုပ်ရုံး ပြောခွင့်ရသူတဦးဖြစ်တဲ့ Ms. Sound-AH က ဗွီအိုအေကို အခုလို ရှင်းပြခဲ့ပါတယ်။

"ကုလသမဂ္ဂအတွင်းရေးမှုးချုပ်အနေနဲ့ ဒီကနေ မွန်းလွဲပိုင်းမှာ မြန်မာနိုင်ငံနဲ့ပတ်သက်လို့ ဖွဲ့ထားတဲ့ မြန်မာမိတ်ဆွေနိုင်ငံများ အစည်းအဝေးကို ခေါ်ယူ ကျင်းပခဲ့ပါတယ်။ အစည်းအဝေးအတွင်းမှာ ကုလသမဂ္ဂအတွင်းရေးမှုးချုပ်ရဲ့ မြန်မာနိုင်ငံဆိုင်ရာ အထူးအကြံပေး ပုဂ္ဂိုလ် မစ္စတာဂမ်ဘာရီက အခုလာမယ့် သြဂုတ်လလယ် မြန်မာနိုင်ငံခရီးစဉ်နဲ့ ပတ်သက်ပြီး ပြောဆိုဆွေးနွေးတင်ပြပါတယ်။ ဒီအဖွဲ့ကို ပြီးခဲ့တဲ့နှစ် ဒီဇင်ဘာလ ဖွဲ့စည်းထားပြီးကတည်းကဆိုရင် အခု ၄ကြိမ်မြောက် အစည်းအဝေးလုပ်တာပါ။"
မြန်မာနိုင်ငံနဲ့ ပတ်သက်လို့ လုံခြုံရေးကောင်စီ အစည်းအဝေး ခေါ်ယူတိုင်း ဆုံးဖြတ်ချက် ချမှတ်ရေး သဘောကွဲလွဲမှုတွေ ရှိတဲ့အတွက် အဖွဲ့ဝင်နိုင်ငံအများ ပါဝင်တဲ့ အထွေထွေ ညီလာခံကနေပဲ မြန်မာ့အရေးကို ဆုံးဖြတ်ချက်ယူလေ့ရှိပါတယ်။ အခု မြန်မာ မိတ်ဆွေ နိုင်ငံများဖွဲ့ရတဲ့ သဘောကလည်း လုံခြုံရေး ကောင်စီထက် ကျယ်ပြန့်တဲ့ အစုအဖွဲ့ ဖြစ်လာအောင် လုပ်တဲ့သဘောလို့ မြန်မာ့အရေး လေ့လာသူတွေက ယူဆပါတယ်။ ဒီကနေမှ အတွင်းရေးမှုးချုပ်က ကြားဝင် ညှိုနှိုင်းပြီး အခြားအဆင့်တွေအတွက် ဘယ်လို ဆက်မလဲဆိုတာ သဘောထားတွေ စုဆောင်း ညှိုနှိုင်းတာလို့ဆိုပါတယ်။ ဒါပေမယ့် အခု ဒီ မိတ်ဆွေနိုင်ငံများအသင်းကရော တကယ်တမ်း အထွေထွေ ညီလာခံလောက် ကုလသမဂ္ဂ အဖွဲ့ဝင်နိုင်ငံတွေကို ကိုယ်စားပြုနိုင်ပ့ါမလား။ ဒါက မစ္စတာဂင်ဘာရီခရီးစဉ်အတွက်ပဲ သက်သက် ညှိုနှိုင်းနေတဲ့သဘော မသက်ရောက် နေဘူးလားလို့ မေးတော့ ပြောခွင့်ရသူ မစ္စ ဆောင်အာ့က အခုလို ဖြေပါတယ်။
"ဒါဟာ အဖွဲ့ဝင်နိုင်ငံတွေကို အတော်လေး ကျယ်ကျယ်ပြန့်ပြန့်ကိုယ်စားပြုနိုင်ပါတယ်။ အတွင်းရေးမှုးချုပ်အနေနဲ့ သူဆောင်ရွက်ရမယ့်တာဝန်တွေကို ဆောင်ရွက်ဖို့ ဒီအဖွဲ့နဲ့ အရင်ကနဦး ညှိုနှိုင်းဆောင်ရွက်လိုပါတယ်။ အစည်းအဝေးရဲ့ ရည်ရွယ်ချက်ကတော့ အခြေအနေတွေ တိုးတက်ကောင်းမွန်လာအောင် ဘယ်လိုရှေ့ဆက်ဆောင်ရွက်မလဲဆိုတာကို အပြန်အလှန်အမြင်ချင်းဖလှယ်ကြတဲ့သဘောပါ။ အထူးသဖြင့်တော့ မစ္စတာဂန်ဘာရီ မြန်မာနိုင်ငံကို မသွားခင် အမြင်တွေ ဖလှယ်ကြတဲ့သဘောပါ။ မစ္စတာဂန်ဘာရီရဲ့ မြန်မာနိုင်ငံသွားတဲ့ အခုခရီးစဉ် ဒါမှမဟုတ် ခရီးစဉ်တွေအတွက်ပဲသက်သက် ဆောင်ရွက်တာမဟုတ်ဘူးဆိုတာကို အတွင်းရေးမှုးချုပ်က အလေးပေးပြောထားပါတယ်။ ဒါဟာ မြန်မာအစိုးရနဲ့ ညှိုနှိုင်းဆက်သွယ်နိုင်တဲ့ ပုံမှန်လမ်းကြောင်း တခုဖြစ်ပါတယ်။"
အတွင်းရေးမှုးချုပ်ရဲ့ ဒီမိတ်ဆွေနိုင်ငံများအဖွဲ့မှာတော့ သြစတေးသျှ၊ တရုတ်၊ ပြင်သစ်။ အိန္ဒိယ၊ အင်ဒိုနီးရှား ဂျပန် နော်ဝေး ရုရှား စင်ကာပူ တောင်ကိုရီးယား ထိုင်း ဗြိတိသျှ အမေရိကန်ပြည်ထောင်စု ဗီယက်နာမ် ဥရောပသမဂ္ဂနဲ့ ဥရောပ မိသားစုတို့ ပါဝင်ကြပါတယ်။
မနက်ဖြန် လုံခြုံရေးကောင်စီအစည်းအဝေးမှာတော့ မစ္စတာ ဂမ်ဘာရီကနေ မြန်မာ့နိုင်ငံရေးအခြေအနေကို အဖွဲ့ဝင်နိုင်ငံတွေကို တင်ပြဆွေးနွေးဖို့ရှိပါတယ်။ အဖွဲ့ဝင်နိုင်ငံတွေအကြားမှာ မြန်မာနိုင်ငံနဲ့ပတ်သက်လို့ အဆိုပြုချက်အမျိုးမျိုးရှိနေပေမယ့်လို့ ယတိပြတ် တခုခုကို အဖွဲ့ဝင်နိုင်ငံတွေအကြားမှာ အခုအချိန်အထိ ညှိုနှိုင်းလို့မပြီးသေးပြီလို့သိရပါတယ်။ ဒီအထဲမှာတော့ အာဆီယံဦးဆောင်တဲ့ အာရှနိုင်ငံတွေက ကမကထလုပ်ပြီး မြန်မာ့ဒီမိုကရေစီရေးအစည်းအဝေးခေါ်ယူဖို့ကိစ္စလည်း ပါဝင်တယ်လို့သိရပါတယ်။ အမေရိကန်ပြည်ထောင်စုဖက်ကတော့ မြန်မာနိုင်ငံနဲ့ပတ်သက်လို့ လုံခြုံရေးကောင်စီဆုံးဖြတ်ချက်တခုခု ချမှတ်ရေး အရင်ကထက်က ကြိုးစားထားတာရှိပေမယ့် အခုမနက်ဖြန်မှာ အဆိုပြုချက်တခုခု ဆုံးဖြတ်ချက်မူကြမ်းတခုခု တင်ပြချေရှိမရှိ မသိရသေးပါဘူး။ ပြီးခဲ့တုန်းက ဗြိတိသျှနဲ့အမေရိကန်ပြည်ထောင်စုတို့တင်သွင်းခဲ့တဲ့ လုံခြုံရေးကောင်စီဆုံးဖြတ်ချက်မူကြမ်းကိုတော့ တရုတ် ရုရှားတို့က ဗီတိုသုံးပယ်ချခဲ့တာမို့၊ ဒီနိုင်ငံတွေအနေနဲ့ မြန်မာ့အရေးနဲ့ပတ်သက်လို့ လုံခြုံရေးကောင်စီထဲ ကာဆီးကာဆီး လုပ်သွားဦးမယ်လို့တော့ လေ့လာသူတွေက ယူဆထားကြပါတယ်။

24 July 2008/VOA

မြန်မာသံရုံး မီးရှို့မှုကြောင့် မလေးရောက်မြန်မာများ စိုးရိမ်

ယမန်နေ့က မလေးရှားနိုင်ငံ ကွာလာလမ်ပူမြို့တွင် မြန်မာသံရုံးကို မီးရှို့ရန်ကြိုးစားသူ မြန်မာနိုင်ငံသားအား မလေးရှားရဲ များက ဖမ်းဆီးခဲ့ပြီးနောက်ပိုင်း မလေးရှားရောက် မြန်မာပြည်သားများကို ဒေသအာဏာပိုင်တို့က လုံခြုံရေး ပိုမိုတင်းကျပ် လာမည်ကို စိုးရိမ်လျက် ရှိသည်။
အသက် ၂၅ နှစ် ၀န်းကျင်ရှိ ကိုစောနောင်သည် မိမိကိုယ်ကို ဓာတ်ဆီလောင်းကာ သံရုံးအတွင်းဝင်ရောက်ရန် ကြိုးစားသည့် အပြင် ဓာတ်ဆီပုံးတပုံးကိုလည်း ပစ်သွင်းခဲ့ရာ မလေးရှားရဲက အချိန်မီဖမ်းဆီးနိုင်ခဲ့ကြောင်း သိရသည်။

မလေးရှား အန်အယ်လ်ဒီ ဌာနခွဲ၏ ဥက္ကဌ ကိုကျော်ကျော်က “မနေ့ကဖြစ်ဖြစ်ချင်း ရဲက ကျနော့်ကိုလှမ်းမေးတယ်၊ မင်တို့တွေ ဘယ်ရောက်နေလဲ၊ ဘာလုပ်နေလဲလို့၊ ကျနော်တို့အားလုံး ရုံးမှာရှိနေကြလို့ ဘာမှမပြောတော့တာ … အနည်းနဲ့ အများ ကျနော်တို့အပေါ်ကို ထိခိုက်တယ်လို့ မြင်တယ်။ မလေးအာဏာပိုင်က ဒါဟာ တဦးတယောက်ရဲ့ အကြံအစည်လို့ ယူဆထား တယ်လေ” ဟု ဧရာဝတီကို ပြောသည်။
မြန်မာသံရုံးအား မီးရှို့တိုက်ခိုက်မှုနှင့် ပတ်သက်၍ တရားခံကိုစောနောင်အား မလေးရဲတို့က စုံစမ်းစစ်ဆေးမှုများ ပြုလုပ်ပြီးမှ မလေးရှားရောက် မြန်မာအတိုက်အခံများကို အာဏာပိုင်ဘက်က စကားပြောရန် စီစဉ်ထားသည်ဟု ကိုကျော်ကျော်က ပြောသည်။
အခင်းဖြစ်ပွားချိန်၌ ကိုစောနောင်သည် မူးယစ်ဆေးဝါး တမျိုးမျိုးကို အလွန်အကျွံသုံးစွဲထားကြောင်းလည်း သိရသည်။
“အခြေအနေက စိုးရိမ်ဖို့ကောင်းတယ်။ အစကတည်းက ကျနော်တို့ မြန်မာနိုင်ငံသားတွေ မလေးရှားမှာ အဖိနှိပ်ခံနေရတာ အခုလိုပုံစံမျိုးဖြစ်လာတော့ မြန်မာနိုင်ငံသားတွေတင်မက ကျနော်တို့လို အဖွဲ့အစည်းတွေကိုပါ ထိခိုက်လာနိုင်ပါတယ်” ဟု ကိုကျော်ကျော်က ပြောသည်။
မလေးရှားနိုင်ငံတွင် အာဏာရပါတီနှင့် အတိုက်အခံများအကြား နိုင်ငံရေးပြဿနာများရှုပ်ထွေးလာပြီးနောက်ပိုင်း ဒေသ အာဏာပိုင်တို့က မြန်မာ့ဒီမိုကရေစီ အင်အားစုများအပေါ် ယခင်ကထက် ပိုမိုတင်းကျပ်လာသည်ဟုလည်း မလေးရှားရောက် မြန်မာနိုင်ငံ အလုပ်သမားသမဂ္ဂများအဖွဲ့ချုပ် အဖွဲ့ဝင် ကိုရန်နိုင်ထွန်းက ပြောသည်။“အာဏာပိုင်ကခေါ်ပြီး သတိပေးတာတွေရှိတယ်။ ရှင်းရှင်းပြောရရင် သူတို့က (မှုခင်းရဲ) အတိုက်အခံနဲ့ မပေါင်းစေချင်ဘူး” ဟုလည်း ကိုရန်နိုင်ထွန်းက ပြောသည်။

ကိုသက် ဇူလိုင် ၂၃၊ ၂၀၀၈/The Irrawaddy

စစ်အစိုးရက ရွေးကောက်ပွဲကို တရားမျှတသည့် ရွေးကောက်ပွဲဖြစ်ရန်

မြန်မာစစ်အစိုးရ၏၂၀၁၀ ပြည့်နှစ် ရွေးကောက် ပွဲအား အန်အယ်လ်ဒီခေါင်းဆောင် ဒေါ်အောင် ဆန်းစုကြည် အပါအ၀င် နိုင်ငံရေး အင်အားစု များအားလုံး ပါဝင်ပြီး လွတ်လပ်၍ တရား မျှတသော ရွေးကောက်ပွဲအဖြစ် တွေ့မြင်လို ကြောင်း သြစတြေးလျ နိုင်ငံခြားရေးဝန်ကြီး စတီဖန် စမစ်က ပြောသည်။
မစ္စတာ စမစ်က “မြန်မာနိုင်ငံခြားရေးဝန်ကြီးနဲ့ ကျနော် မနေ့က စကားပြောဖြစ်ပါတယ်။ မြန်မာ


ပြည်သူတွေရဲ့ ဆန္ဒသဘောထားတွေကို ထင်ဟပ်စေမယ့် လွတ်လပ်ပြီး တရားမျှတတဲ့ ရွေး ကောက်ပွဲ ဖြစ်ပေါ်လာမှာကို သြစတြေးလျအစိုးရက မြင်တွေ့လိုပါတယ်” ဟု စင်ကာပူ၌ သတင်းထောက်များအား ယနေ့ပြောသည်။

စင်ကာပူတွင် ကျင်းပနေသော အာဆီယံ နိုင်ငံခြားရေးဝန်ကြီးများ အစည်းအဝေး၌ မြန်မာနိုင်ငံ ခြားရေးဝန်ကြီး ဦးဥာဏ်ဝင်းကို ယင်းသို့ပြောကြားခဲ့ရာ ဦးဥာဏ်ဝင်းထံမှမူ ၎င်းတို့အနေဖြင့် စစ်အစိုးရ Road Map အတိုင်း ဆက်လက်လုပ်ကိုင်နေသည်ဟူသော အဖြေကိုသာရခဲ့ကြောင်း မစ္စတာစမစ်က ပြောသည်။
စစ်ဗိုလ်ချုပ်ကြီးများ၏ အာဏာသက်ဆိုး ရှည်စေရန် ရည်ရွယ်လုပ်ဆောင်သည်ဟု စွပ်စွဲ၍ အတိုက် အခံ နိုင်ငံရေးအင်အားစုများက ပယ်ချထားသော ဖွဲ့စည်းပုံအခြေခံဥပဒေအောက်၌ ၂၀၁၀ ပြည့် နှစ်တွင် ရွေးကောက်ပွဲ ပြုလုပ်ရန် မြန်မာစစ်အစိုးရက ကြိုးစားနေခြင်းဖြစ်သည်။
လူ့အခွင့်အရေးဆိုင်ရာ အခြေခံ အာဆီယံပဋိညာဉ်စာချုပ်ကို ယခုလ (၂၁) ရက်တွင် သဘောတူခဲ့ သည့် မြန်မာစစ်အစိုးရအနေဖြင့် ဒေါ်အောင်ဆန်းစုကြည်အား လွှတ်ပေးရန် လိုအပ်ကြောင်း မစ္စတာစမစ်က ယနေ့ ထပ်မံတိုက်တွန်းလိုက်သည်။သို့သော် လူ့အခွင့်အရေး ချိုးဖောက်မှုများကို ဆက်တိုက် ကျူးလွန်နေသော စစ်အစိုးရက အာဆီယံ ပဋိညာဉ်စာချုပ်ကို ယခုကဲ့သို့ သဘောတူခြင်းသည် ဟန်ပြသာဖြစ်၍ ပြောင်းလဲမည့် လက္ခဏာ တစုံတရာ မတွေ့ရကြောင်း လေ့လာသူများက ပြောသည်။
သြစတြေးလျအစိုးရက မြန်မာမုန်တိုင်းဘေးအတွက် ကူညီငွေ အမေရိကန်ဒေါ်လာ (၂၉) သန်း ထပ်မံပေးမည်ဖြစ်ကြောင်း ယနေ့ကြေညာခဲ့သည်။ ယခုငွေ မတိုင်မီကလည်း အမေရိကန်ဒေါ်လာ (၂၄) သန်းကျော် ကူညီပြီးဖြစ်သည်။

Agencies/ ၂၃ ဇူလိုင် ၂၀၀၈

ရန်ကုန်-ဘန်ကောက်၊ ရန်ကုန်-မလေးရှား အမ်အေအိုင်လေကြောင်းလိုင်း

လတ်တလော ယာယီအပိတ်ခံရသည့် ထိုင်းလေကြောင်းလိုင်းတခုမှ လေယာဉ်များငှားရမ်း အသုံး ပြုနေရသည့် မြန်မာနိုင်ငံတကာ လေကြောင်းလိုင်း (အမ်အေအိုင်) ပြေးဆွဲနေသော ရန်ကုန်-နိုင်ငံ တကာခရီးစဉ်အချို့ကို ယနေ့မှစ၍ အရေးပေါ် ရပ်ဆိုင်းလိုက်ရသည်။

ရန်ကုန် အမ်အေအိုင်ရုံးမှ ပြောရေးဆိုခွင့်ရှိသူ ဒေါ်အေးမြသာက “၀မ်းတူးဂိုးကိစ္စကြောင့်ပါ။ သူတို့ ရပ်ဆိုင်းခံရတဲ့အခါကျတော့ ကျမတို့လည်း အဲဒီလေယာဉ်ပျံကို ငှားထားမိရက်သားဖြစ်သွားတော့ နောက်ပိုင်း ဘယ်လိုမှလဲ အဆင်မပြေနိုင်တော့ဘဲ ပြန်အပ်လိုက်တာပေါ့နော်။ အခု အဲယားဘတ်စ် လေယာဉ်တစီး အသစ်ရထားတော့ အဲဒါနဲ့ပြန်ပြီး (၂၅) ရက်နေ့ကျရင် ပြန်ဆွဲမှာပါ။ ၀မ်းတူးဂိုးက တစီးပဲ ယူထားတာပါ” ဟု ပြောသည်။
ရန်ကုန်-ဘန်ကောက်နှင့် ရန်ကုန်-ကွာလာလမ်ပူ ခရီးစဉ် (၂) ခုကို ယနေ့စ၍ ရပ်ဆိုင်းလိုက် ကြောင်း၊ လေယာဉ်လက်မှတ် ကြိုတင်ဝယ်ထားသူများကို ငွေပြန်လိုချင်ပါက ငွေပြန်အမ်းပေး ကြောင်းနှင့် ယခုရက်အတွင်း ခရီးသွားလိုသူများကို ဘန်ကောက်လေကြောင်းလိုင်း၊ ထိုင်းလေ ကြောင်း (တီဂျီ) တို့ဖြင့် ခရီးသွားနိုင်အောင် စီစဉ်ပေးနေကြောင်း ၎င်းက ပြောသည်။ ရန်ကုန်-စင်ကာပူ ခရီးစဉ်ကိုမူ ပုံမှန်အတိုင်း ပြေးဆွဲနေကြောင်း သိရသည်။
သတ်မှတ်သည့် လုပ်ငန်းစံချိန်စံညွှန်း မမီသည့်အတွက် ထိုင်းနိုင်ငံ ၀မ်းတူးဂိုးလေကြောင်းလိုင်း အား ရက်ပေါင်း (၃၀) ပျံသန်းခွင့် ပိတ်လိုက်ကြောင်း ထိုင်းအစိုးရ မြို့ပြလေကြောင်းဦးစီးဌာနက ကြေညာပြီး ရက်ပိုင်းအတွင်း ရန်ကုန်နှင့် ပြေးဆွဲနေသည့် နိုင်ငံတကာလေယာဉ် ခရီးစဉ်အချို့ကို ရပ်ဆိုင်းကြောင်း မြန်မာနိုင်ငံတကာလေကြောင်းလိုင်း (အမ်အေအိုင်) က ထုတ်ဖော်ပြောဆို ခြင်းဖြစ်သည်။
ဝမ်းတူးဂိုး လေကြောင်းလိုင်းသည် လေကြောင်းဆိုင်ရာ ဘေးအန္တရာယ် ကင်းရှင်းရေး စည်းမျဉ်း များကို ချိုးဖောက်ခဲ့သည့်ပြင် လေကြောင်းလိုင်းကိုလည်း မှန်ကန်စွာ စီမံအုပ်ချုပ်နိုင်ခြင်းမရှိဟု ထိုင်းအစိုးရ မြို့ပြလေကြောင်းဦးစီးဌာနက စစ်ဆေးတွေ့ရှိသည်။ နောက်ဆက်တွဲအဖြစ် ၀မ်းတူးဂိုး လေကြောင်းလိုင်းမှ လေယာဉ်မှူး (၉) ဦးကိုပါ လေယာဉ်မောင်းနှင်ခွင့်လိုင်စင် ပြန်ရုပ်သိမ်းခဲ့သည်။
၂၀၀၇ ခုနှစ် စက်တင်ဘာတွင် ၀မ်းတူးဂိုး လေကြောင်းလိုင်းပိုင် လေယာဉ်တစီး ဖူးခက်တွင် ပျက်ကျ၍ လူ (၈၉) ဦးသေဆုံးသည့်ကိစ္စ စစ်ဆေးအပြီးတွင် ၀မ်းတူးဂိုးလေကြောင်းလိုင်းအား ယခုကဲ့သို့ အရေးယူခဲ့ခြင်းဖြစ်သည်။
မြန်မာနိုင်ငံတကာလေကြောင်းလိုင်း (အမ်အေအိုင်) ကို ၁၉၉၃ ခုနှစ်တွင် စစ်အစိုးရပိုင် မြန်မာ့လေ ကြောင်းနှင့် ဘရူနိုင်းဘုရင့်လေကြောင်းလိုင်း အထောက်အပံ့ ယူထားသည့် စင်ကာပူ ကုမ္ပဏီတခု တို့ဖြင့် ဖက်စပ်တည်ထောင်ခဲ့သည်။ ယမန်နှစ်က မြန်မာ့လေကြောင်းက (၅၁) ရာခိုင်နှုန်း ရှယ်ယာထည့်ဝင်ပြီး စင်ကာပူပိုင် Region Air (HK) Ltd. က (၄၉) ရာခိုင်နှုန်း ရှယ်ရာထည့်ဝင်၍ လုပ်ကိုင်နေသည်။

ပီတာအောင်/ ၂၃ ဇူလိုင် ၂၀၀၈

နော်အုန်းလှ ကားမှောက်ပြီး ဒဏ်ရာအပြင်းအထန်ရ

ရန်ကုန်တိုင်း မှော်ဘီမြို့အ၀င်ဆိုင်းဘုတ်အနီး၌ ခရီးသည်တင် ယာဉ်တစီး ယမန်နေ့ညနေက မတော်တဆ တိမ်းမှောက်သွားပြီး နော်အုန်းလှအပါအ၀င် ခရီးသည်အချို့ ဒဏ်ရာရရှိသွားသည်ဟု မှော်ဘီဆေးရုံမှ သိရသည်။

ကားမှောက်မှုတွင် ကျောင်းသားငယ်တဦး အပါအ၀င် အမျိုးသမီး (၆) ဦး အမျိုးသား (၁) ဦးတို့ ဒဏ်ရာရရှိသွားကြောင်း နော်အုံးလှမှ လွဲ၍ အခြားသူများ ပြင်ပလူနာဌာနတွင် ဆေးကုသမှု ခံယူပြီး

ဆေးရုံမှ ဆင်းသွားကြပြီဟု မှော်ဘီဆေးရုံမှ တာဝန်ရှိသူတဦးက ပြောသည်။
နော်အုန်းလှမှာ ဦးခေါင်း၊ ကျောနှင့် ခြေထောက်တို့တွင် ဒဏ်ရာရသွားပြီး ဒဏ်ရာပြင်းသဖြင့် မှော်ဘီ ဆေးရုံမှတဆင့် ရန်ကုန်ပြည်သူ့ ဆေးရုံကြီးသို့ ပို့ဆောင်၍ ဆေးကုသနေရသည်ဟု သူမ၏ မိတ်ဆွေ တဦးက ပြောသည်။
၎င်းက “မနော်က မနေ့ကတုန်းက မှော်ဘီကားမှောက်ပြီးတော့ ခေါင်းမှာ ဒဏ်ရာရတယ်။ ခါးရိုး လည်း ကျိုးသွားတယ်။ ညှပ်ရိုးတချောင်းလည်း ကျိုးသွားတယ်။ ခုရန်ကုန်ဆေးရုံကြီးမှာ စောင့်ကြည့် အရေးပေါ် လူနာခန်းထဲမှာ။ တော်တော်လေးကို နာကျင်ကိုက်ခဲနေတယ်။ ခေါင်းမှာလည်း တော် တော်လေး ချုပ်ထားရတယ်” ဟု ပြောသည်။
အမျိုးသားဒီမိုကရေစီအဖွဲ့ချုပ်ဝင်ဟောင်း နော်အုန်းလှသည် အာဏာပိုင်များက မှော်ဘီမြို့ပြင် မထွက်ရန် ခြေချုပ်ချထားခံနေရသူတဦးဖြစ်သည်။ ဒေါ်အောင်ဆန်းစုကြည်မွေးနေ့ အင်္ဂါနေ့ ရောက်တိုင်း ဆောင်ရွက်လေ့ရှိသည့် ၀တ်ပြုဆုတောင်းပွဲ (၄) နှစ်ပြည့် အထိမ်းအမှတ် ယနေ့ ဆွမ်းကပ်ရန် ရှိသည့်အတွက် မှော်ဘီဈေး၌ ဈေးဝယ်ပြီးအပြန် ကားမှောက်မှုနှင့် ကြုံတွေ့ ရခြင်းဖြစ်သည်။

ပီတာအောင်/ ၂၂ ဇူလိုင် ၂၀၀၈

နာဂစ်ရန်ပုံငွေ ကာတွန်းပြပွဲ ဆင်ဆာအလုပ်ခံရ

နာဂစ်ရန်ပုံငွေအတွက် မြန်မာကာတွန်းဆရာများ၏ “မုန်တိုင်းမှ နိုးထခြင်း” အမည်ရှိ ကာတွန်းပြပွဲ ကို ယနေ့နံနက်ပိုင်းတွင် ရန်ကုန်မြို့ ပန်းဆိုးတန်းရှိ လောကနတ် ပန်းချီခန်းမတွင် ပြသသည်။
ပန်းချီကားပေါင်း (၁၄၆) ကားကို ပန်းချီဆရာ (၆၄) ဦးက ရေးဆွဲကာ နာဂစ်မုန်တိုင်း ဒုက္ခသည်များ အတွက် ရည်ရွယ်၍ ပထမဦးဆုံး ကျင်းပသည့် ကာတွန်းပြပွဲဖြစ်သည်။
ပါဝင်ပြသကြသည့် ကာတွန်းဆရာများမှာ နာမည်ကြီး ကာတွန်းဆရာ အော်ပီကျယ်၊ ကိုရွှေထူး (ပြည်) ကာတွန်းမြင့်သိန်း၊ ရွှေမင်းသား၊ စိုးသော်တာ၊ ကာတွန်းလှဖေ၊ အောက်တိုဘာအောင်ကြီး၊ အကိန်း၊ ဖေသစ်တည်၊ ညီပုချေ၊ အောင်ဌေးမင်း၊ အောင်မင်းမင်း၊ နောက်နောက်၊ မောင်နန္ဒ၊ မောင်တင်ယု စသူတို့ ပါဝင်ကြသည်။

ကာတွန်းဆရာတဦးလျှင် ကာတွန်း (၃) ခုထိ ပါဝင်ပြသခွင့်ရပြီး ကာတွန်းများကို စစ်ဆေးရေး အဖွဲ့က လာရောက်စစ်ဆေးသည်။
ကာတွန်းဆရာ ညီပုချေ၏ “ပြီးစလွယ်” ကာတွန်းကား၊ ဆရာအောင်ကောင်း၏ “ရုက္ခစိုး”၊ ဆရာ အောက်တိုဘာအောင်ကြီး၏ “ကံကောင်းခြင်းလက်ဆောင်”၊ ဆရာဝင်းအောင်၏ “လောကကိုအလှ ဆင်မယ်” စုစုပေါင်း ကာတွန်း (၄) ကားကို အားလုံးပြသရန် နံရံတွင် ကပ်ထားပြီးမှ ကာတွန်း စိစစ်ရေးက ပြသခွင့်မပြုဘဲ ပြန်ဖြုတ်ခိုင်းခဲ့သည်။
ပြပွဲလာသူ စာရေးဆရာ မောင်ဝံသက “ ဘ၀မုန်တိုင်း၊ လောကဓံမုန်တိုင်း၊ နိုင်ငံရေးမုန်တိုင်းတွေ ရှိတယ်။ မြန်မာကာတွန်းဆရာတွေက ပြည်သူတွေကို တင်ပြတဲ့အခါ မေတ္တာ၊ ဂရုဏာ၊ စေတနာ တွေနဲ့ တင်ပြတာရှိတယ်၊ အခုနာဂစ်နဲ့ ပတ်သက်ပြီး ကာတွန်းမှာ အဲဒီလို တင်ပြမှုတွေအပြင် ၀ိညာဉ်တွေက မုန်တိုင်းလာမယ်ဆိုတာကို သိတယ်။ ဒါပေမယ့် ဘယ်လောက်ပြင်းမယ်ဆိုတာ၊ ဘယ်လိုကာကွယ်ရမယ်ဆိုတာ မသိခဲ့ဘူးဆိုတဲ့ ကာတွန်းတွေ၊ သစ်ပင်တွေကို ၀ိသမလောဘနဲ့ ခုတ်ရောင်း၊ စီးပွားရှာ၊ တဖက်နိုင်ငံကို ရောင်းလို့ ရာသီဥတုဖောက်ပြန်တဲ့အတွက် နာဂစ်တိုက်တာ ဆိုတာမျိုး၊ ဒီရေတောတွေ ပြုန်းတီးမှုပုံရိပ်တွေ၊ ပြန်လည်ထူထောင်ရေး လုပ်တဲ့အခါ ဖြတ်စား၊ လာဘ်စားလုပ်တာတွေ စသဖြင့် အားလုံးကို တင်ပြထားတာ တွေ့ရတယ်။ ဒါဟာ မြန်မာ ကာတွန်းဆရာတွေရဲ့ အနုပညာ အစွမ်းတွေပါ” ဟု ပြောသည်။
ကာတွန်းအားလုံးကို လာကြည့်သူတိုင်းက စိတ်ဝင်စား ကြိုက်နှစ်သက်ကြပြီး “အော်ပီကျယ်ရဲ့ ကာတွန်းမှာ မုန်တိုင်းတိုက်လို့ အားလုံးလွင့်ပြီးကုန်နေတာတောင် ထိုင်ခုံပျောက်မှာစိုးလို့ လက်နဲ့ အတင်းဖိထားတာ လူတိုင်းကြိုက်တယ်” ဟု ပြပွဲလာသူတဦးက ပြောသည်။
ကာတွန်းတကားလျှင် ကျပ်(၅,၀၀၀) မှ ကျပ် (၅၀,၀၀၀) ထိရောင်း ပြီး ယနေ့စတင်ပြသည့် မွန်းလွဲ ပိုင်းအထိ (၁၀) ကားခန့် ရောင်းရပြီး ပြပွဲကို ဇူလိုင် (၂၂) ရက်မှ (၂၆) ရက်အထိ ပြသသွားမည် ဖြစ်သည်။ ကာတွန်းပြပွဲကို Ecovision ဂျာနယ်က တာဝန်ယူ ဆောင်ရွက်ပြီး ကာတွန်းရောင်းရ ငွေများကို နာဂစ်မုန်တိုင်းရန်ပုံငွေအဖြစ် လှူဒါန်းသွားမည်ဖြစ်သည်။

NEJ/ ၂၂ ဇူလိုင် ၂၀၀၈

အာဆီယံ ဆွေးနွေးပွဲမှာ မြန်မာစစ်အစိုးရ အကဲစမ်းမှုများ ရင်ဆိုင်ရဖွယ်ရှိ

၄၁ ကြိမ်မြောက် အာဆီယံ အရှေ့တောင်အာရှနိုင်ငံများအသင်း နိုင်ငံခြားရေးဝန်ကြီးများ ဆွေးနွေးပွဲကို စင်ကာပူနိုင်ငံမှာတနင်္လာနေ့က စတင်ဖွင့်လှစ်လိုက်ပါတယ်။အမေရိကန်ပြည်ထောင်စု နိုင်ငံခြားရေးဝန်ကြီး အပါအ၀င် တခြား ဒေသတွင်း၁၇ နိုင်ငံက နိုင်ငံခြားရေးဝန်ကြီးတွေပါတက်ရောက်မယ့် ဒီဆွေးနွေးပွဲမှာ မြန်မာနိုင်ငံအရေးကိစ္စကိုလည်း ဒေသတွင်း လုံခြုံရေး၊ စီးပွားရေးကိစ္စတွေကြား အလေးထားပြီး ဆွေးနွေးကြမှာပါ။ ဘယ်လိုအကြောင်းအချက်တွေဟာ အဓိကဖြစ်နေသလဲဆိုတာ ဗွီအိုအေမြန်မာပိုင်း ဌာနမှူးဦးသန်းလွင်ထွန်းက သုံးသပ်တင်ပြပေးထားပါတယ်။
၄၁ ကြိမ်မြောက် အာဆီယံ နိုင်ငံခြားရေးဝန်ကြီးများ ဆွေးနွေးပွဲကို တက်ရောက်ဖို့စင်ကာပူနိုင်ငံကို ရောက်ရှိလာတဲ့ မြန်မာနိုင်ငံခြားရေးဝန်ကြီး ဦးဉာဏ်ဝင်းအတွက်ယေဘုယျအားဖြင့် အဓိကတာဝန်ကြီး ၃ ရပ် ပါလာလိမ့်မယ်လို့ ယူဆရပါတယ်။
နံပါတ် ၁- မြန်မာနိုင်ငံအတွင်း နိုင်ငံရေးဖိနှိပ်မှုနဲ့ ဒေါ်အောင်ဆန်းစုကြည်ကို ဆက်လက်ထိန်းသိမ်းထားမှုအတွက် အာဆီယံအဖွဲ့ဝင်တွေရဲ့ ဝေဖန်မှုတွေကို မတုန်မလှုပ် ကြံ့ကြံ့ခံပြနိုင်ဖို့၊ နံပါတ် ၂- အာဆီယံ ပဋိညာဉ်စာတမ်းကို မြန်မာစစ်အစိုးရက အတည်ပြုပေးလိုက်ပါပြီ၊ မြန်မာနိုင်ငံအတွင်းမှာလည်း နိုင်ငံရေးအရ ပြောင်းလဲတိုးတက်မှုတွေ ရှိလာနေပါပြီဆိုတာကို ဇွတ်မှိတ်ပြောကြားဖို့နဲ့ နံပါတ် ၃- မေလအတွင်းက တိုက်ခတ်ခဲ့တဲ့နာဂစ်ဆိုင်ကလုံးမုန်တိုင်းအတွက် နိုင်ငံတကာက ငွေကြေးထောက်ပံ့ပါလို့ တောင်းဆိုဖို့အရေးတွေပဲ ဖြစ်ပါလိမ့်မယ်။
အာဆီယံအဖွဲ့ကြီးကလည်း အဖွဲ့ကြီးရဲ့လေသံကို မလျှော့ပါဘူး။ တနင်္ဂနွေနေ့ညပိုင်းကဆွေးနွေးပွဲအကြို ညစာစားပွဲအပြီးမှာ စင်ကာပူနိုင်ငံခြားရေးဝန်ကြီး ဂျော့ခ်ျယိုး(George Yeo) က အခုလိုဆိုပါတယ်။
"ဒေါ်အောင်ဆန်းစုကြည်ကို နေအိမ်အကျယ်ချုပ် သက်တမ်းထပ်တိုးခဲ့တဲ့ မြန်မာစစ်အစိုးရရဲ့ လုပ်ရပ်အပေါ် အလွန်စိတ်ပျက်ရကြောင်း အာဆီယံ နိုင်ငံခြားရေးဝန်ကြီးတွေအားလုံးက ပြောကြားပါတယ်။ မြန်မာနိုင်ငံရဲ့ အမျိုးသားပြန်လည်ရင်ကြားစေ့ရေးကို ရှေ့ရှုပြီး ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေအားလုံးကို ပြန်လွှတ်ပေးဖို့ အာဆီယံခေါင်းဆောင်တွေ အားလုံးကလည်း ထပ်ပြီးတောင်းဆိုလိုက်ပါတယ်။"
မြန်မာနိုင်ငံခြားရေးဝန်ကြီး ဦးဉာဏ်ဝင်းကို ဘေးမှာထားပြီး စင်ကာပူနိုင်ငံခြားရေးဝန်ကြီး ဂျော့ခ်ျယိုး ဆက်ပြောခဲ့တာကတော့ …
"မြန်မာဥပဒေတွေအရဆိုရင် ဒေါ်အောင်ဆန်းစုကြည်ကို ပြည်ထဲရေးဝန်ကြီးရဲ့ အတည်ပြုချက်နဲ့ တနှစ်ချုပ်ထားလို့ ရပါတယ်။ အဲဒီနောက်တော့ အစိုးရရဲ့ ဆုံးဖြတ်ချက်နဲ့အတူဝန်ကြီးချုပ်ရဲ့ အတည်ပြုချက်အရ နောက်ထပ်သက်တမ်း ၅ နှစ်အထိ ထိန်းသိမ်းထားလို့ရတာမို့ စုစုပေါင်း ၆ နှစ်ပါ။ အဲဒီ ၆ နှစ်သက်တမ်းဟာ လာမယ့်နှစ်ဝက်အတွင်းပြည့်တော့မှာပါလို့ မြန်မာနိုင်ငံခြားရေးဝန်ကြီးက ပြောပါတယ်။"
စင်ကာပူနိုင်ငံခြားရေးဝန်ကြီးရဲ့ ပြောစကားကြောင့် မြန်မာနိုင်ငံမှာ ဒေါ်အောင်ဆန်းစုကြည် လွတ်မြောက်လာမယ့်အချိန်ဟာ မကြာတော့ပါဘူးလို့ ယူဆစရာ ဖြစ်လာခဲ့ပြီးဒေါ်စုကို ထိန်းသိမ်းထားဖို့ နောက်ထပ်သက်တမ်းတိုးဖွယ် မရှိတော့ဘူးလို့လည်းနိုင်ငံခြားရေးဝန်ကြီး ဦးဉာဏ်ဝင်းက အာမခံပေးလိုက်တဲ့သဘော ဖြစ်ပုံရတယ်လို့အားလုံးက ကောက်ချက်ချခဲ့ပါတယ်။
ဒါပေမယ့် နောက်နေ့မနက်မှာပဲ စင်ကာပူအစိုးရရဲ့ သတင်းထုတ်ပြန်ချက်တရပ်မှာ အခုဆွေးနွေးပွဲရဲ့ ဥက္ကဋ္ဌအပါအ၀င် တခြား ညစာစားပွဲမှာရှိနေတဲ့ နိုင်ငံခြားရေးဝန်ကြီးတွေက မြန်မာနိုင်ငံခြားရေးဝန်ကြီးရဲ့ ပြောကြားချက်ကို နားလည်မှုလွဲသွားခဲ့တာဖြစ်ပါတယ်လို့ ဖော်ပြပြီး ပြင်ဆင်ချက်တရပ် ထုတ်ပြန်ခဲ့ပါတယ်။ တယောက်ပြောတာကို အများကနားလည်မှုလွဲသွားတာပါပဲ။
နိုင်ငံခြားရေးဝန်ကြီး ဦးဉာဏ်ဝင်းက ဒေါ်အောင်ဆန်းစုကြည်ကို ထိန်းသိမ်းထားနိုင်မှုအကန့်အသတ်ဟာ ၂၀၀၉ ခုနှစ် မေလရောက်ပြီး နောက် ၆ လမှ ကုန်ဆုံးမယ်လို့ထပ်ပြီးရှင်းလင်းခဲ့တယ်လို့လည်း ကြေညာချက်မှာ ဖော်ပြထားပါတယ်။ အားလုံးသိထားတာကတော့ ဒေါ်အောင်ဆန်းစုကြည်ဟာ ၂၀၀၃ ခုနှစ် မေလကတည်းက အထိန်းသိမ်းခံထားရတာမို့ ၂၀၀၉ ခုနှစ် မေလမှာ အထိန်းသိမ်းခံကာလ ၆ နှစ်ပြည့်ပြီဆိုတာပါပဲ။၆ နှစ်ပြည့်ပြီးနောက် ၆ လဆိုတဲ့အဓိပ္ပာယ်ကို နားလည်လို့မရနိုင်ပါဘူး။
ဒေါ်အောင်ဆန်းစုကြည်ကို ဆက်ပြီးထိန်းသိမ်းထားတဲ့ကိစ္စ အာဆီယံနိုင်ငံတွေရဲ့ လေသံပြင်းပြင်းနဲ့ ဝေဖန်တာကို ကြံ့ကြံ့ခံပြီးနောက် မြန်မာနိုင်ငံခြားရေးဝန်ကြီး ဦးဉာဏ်ဝင်းဟာ မြန်မာနိုင်ငံဟာ အာဆီယံအဖွဲ့ဝင်ကောင်း နိုင်ငံတခုဖြစ်ပါတယ်ဆိုတာ ပြသတဲ့အနေနဲ့ အာဆီယံ ပဋိညာဉ်စာတမ်းအသစ်ကို စစ်အစိုးရက အတည်ပြုပေးလိုက်ပါပြီလို့ဆိုပါတယ်။
"အာဆီယံ ပဋိညာဉ်စာတမ်းကို မြန်မာနိုင်ငံက အတည်ပြုပေးလိုက်တာဟာ အာဆီယံနိုင်ငံတွေမှာရှိနေတဲ့ ပြည်သူတွေအားလုံးရဲ့ တူညီတဲ့ရည်မှန်းချက်နဲ့ လူသားတန်ဖိုးထားရှိမှုတွေကို မြန်မာနိုင်ငံကလည်း မမှိတ်မသုန် လိုက်နာပါမယ်ဆိုတာကို ပြသလိုက်တာပါပဲ။ ဒီလိုတူညီတဲ့ ရည်မှန်းချက်တွေ၊ စံနှုန်းတန်ဖိုးတွေနဲ့အတူ ခိုင်မာတက်ကြွတဲ့အာဆီယံအသိုင်းအ၀ိုင်းကြီးတခု ပေါ်ထွန်းလာရေးအတွက် အတူလက်တွဲ ဆောင်ရွက်သွားရမှာလည်း ဖြစ်ပါတယ်" လို့ နိုင်ငံခြားရေးဝန်ကြီး ဦးဉာဏ်ဝင်းက မိန့်ခွန်းခြွေပါတယ်။
အာဆီယံ ပဋိညာဉ်စာတမ်းကို ပြီးခဲ့တဲ့နှစ် အာဆီယံ ထိပ်သီးညီလာခံမှာ သဘောတူခဲ့အပြီး သက်ဆိုင်ရာနိုင်ငံအသီးသီးက လွှတ်တော်တွေမှာ အတည်ပြုပေးရမယ့်အရေးကိုလွှတ်တော်မရှိသေးတဲ့ မြန်မာစစ်အစိုးရက အတည်ပြုပေးလိုက်တာပါ။ ဖိလစ်ပိုင်နိုင်ငံမှာဆိုရင် ဖိလစ်ပိုင်လွှတ်တော်က မြန်မာနိုင်ငံလို စစ်အာဏာရှင်စနစ်နဲ့ လူ့အခွင့်အရေးချိုးဖောက်မှုတွေရှိနေတဲ့ အခြေအနေမျိုးနဲ့တော့ ဒီအာဆီယံ ပဋိညာဉ်စာတမ်းကြီးကိုအတည်ပြုမပေးနိုင်သေးပါဘူးလို့ ဆိုတာမို့ ကျန်တဲ့ အာဆီယံအဖွဲ့ဝင်တွေက နားချနေရဆဲဖြစ်ပါတယ်။
နိုင်ငံတကာ ပဋိညာဉ်စာတမ်းဆိုတာက လက်မှတ်ရေးထိုးပြီးရင် လိုက်နာဖို့လည်းအရေးကြီးပါတယ်လို့ အမျိုးသားဒီမိုကရေစီအဖွဲ့ချုပ် ပြောခွင့်ရပုဂ္ဂိုလ် ဦးဉာဏ်ဝင်းကဆိုပါတယ်။ ဒီပဋိညာဉ်ထဲမှာ အာဆီယံအဖွဲ့ဝင် နိုင်ငံအချင်းချင်း ပူးပေါင်းဆောင်ရွက်မှုတွေအပြင် လူ့အခွင့်အရေး လေးစားလိုက်နာမှုတွေအတွက် အဖွဲ့အစည်းတရပ်ထူထောင်ရေးပါ ပါရှိပါတယ်။
မြန်မာနိုင်ငံခြားရေးဝန်ကြီးရဲ့ အရေးအကြီးဆုံး နောက်ဆက်တွဲတာဝန်ကတော့ နာဂစ်ဆိုင်ကလုံးမုန်တိုင်းဒဏ် ခံရမှုနဲ့ပတ်သက်လို့ အာဆီယံ၊ မြန်မာ၊ ကုလသမဂ္ဂ သုံးပွင့်ဆိုင်အစီရင်ခံစာကိုတင်ပြပြီး နိုင်ငံတကာ ငွေကြေးအကူအညီတွေ တောင်းခံဖို့ပါပဲ။
"နိုင်ငံတကာအနေနဲ့ ပြန်လည်ထူထောင်ရေးနဲ့ တည်ဆောက်ရေးလုပ်ငန်းတွေအတွက်အကူအညီတွေ ပိုပြီးပေးလာမယ်လို့ မျှော်လင့်ပါတယ်။ နိုင်ငံတကာအကူအညီတွေလုံလုံလောက်လောက် မရရင်တောင်မှဘဲ ကျနော်တို့အနေနဲ့ ရှိသမျှ အရင်းအမြစ်တွေသုံးပြီး လေဘေးသင့်ဒေသတွေမှာ ပြန်လည်ထူထောင်ရေးတွေ လုပ်ဆောင်သွားမှာပါ။အကူအညီတွေများ ပိုရခဲ့ရင်တော့ ဆိုင်ကလုံးဒဏ် ခံရတဲ့သူတွေအတွက် အပြည့်အ၀ပြန်လည်ထူထောင်လာနိုင်ရေး ပိုပြီး မြန်ဆန်ထိရောက်သွားမှာပါ" လို့ နိုင်ငံခြားရေးဝန်ကြီး ဦးဉာဏ်ဝင်းက ဆိုပါတယ်။
ဆိုင်ကလုံးမုန်တိုင်း တိုက်ခတ်ခဲ့အပြီး နိုင်ငံတကာက အရေးပေါ်အကူအညီတွေချက်ချင်းပို့ခဲ့တာကို လက်မခံဘဲ အချိန်ဆွဲ ကန့်သတ်ခဲ့တဲ့အတွက် နိုင်ငံတကာ အလှူရှင်တွေဆီက အကူအညီတွေ ရသင့်သလောက် မရခဲ့တာဖြစ်တယ်လို့ ဝေဖန်မှုတွေကြားမှာမြန်မာနိုင်ငံအတွက် လိုအပ်ချက်တွေကို အခုအချိန်မှာတော့ အမြန်ဆုံး ထပ်ဖြည့်ပေးပါလို့ ကူညီတောင်းဆိုပေးခဲ့သူကတော့ ကုလသမဂ္ဂ လူသားချင်းစာနာမှု ကူညီရေး အကြီးအကဲ ဂျွန်ဟုမ်းစ် (John Holmes) ဖြစ်ပါတယ်။
"မြန်မာ့လေဘေးကယ်ဆယ်ရေးအတွက် စုစုပေါင်း ဒေါ်လာ ၄၈၂ သန်း ထည့်ဝင်ပေးကြပါလို့ ကျနော်တို့ မေတ္တာရပ်ခံထားပါတယ်။ တချို့တ၀က်ပဲ ရသေးတာမို့ ၂၀၀၉ ခုနှစ်ဧပြီလမတိုင်မီ ဒေါ်လာသန်း ၃၀၀ ရရှိဖို့ လိုအပ်နေပါတယ်။ ဒါကြောင့် အလှူရှင်တွေအနေနဲ့ ဒီ အရေးပေါ်ကယ်ဆယ်ရေးနဲ့ ပြန်လည်ထူထောင်ရေးအတွက် အမြန်ဆုံးရက်ရက်ရောရော ထည့်ဝင်ပေးကြပါလို့ ကျနော်ထပ်ပြီး မေတ္တာရပ်ခံပါရစေ။"
လူသားချင်းစာနာကူညီမှုကိစ္စနဲ့ နိုင်ငံရေးကိစ္စဟာ ရောထွေးမှုမရှိသင့်ဘူးလို့ ဆိုကြပေမယ့် မြန်မာနိုင်ငံ နာဂစ်ဆိုင်ကလုံး လေဘေးသင့် ပြန်လည်ထူထောင်ရေး ရေရှည်အကူအညီ ရယူမှုကိစ္စမှာတော့ ဒါဟာ မလွဲမသွေ ရောထွေးစဉ်းစားလာကြမယ့် ကိစ္စပါပဲ။ဆက်ပြီးကျင်းပနေမယ့် စင်ကာပူ အာဆီယံ နိုင်ငံခြားရေးဝန်ကြီးများ ဆွေးနွေးပွဲမှာနောက်ထပ်ပါဝင်လာမယ့် အမေရိကန် အပါအ၀င် နိုင်ငံ ၁၇ နိုင်ငံက ညှိနှိုင်းလာကြမယ့်စီးပွားရေး၊ ကုန်သွယ်ရေး၊ ပူးပေါင်းဆက်ဆံရေး လုပ်ငန်းစဉ်တွေကြားမှာ အဖွဲ့ဝင်မြန်မာနိုင်ငံရဲ့ လူ့အခွင့်အရေးစံနှုန်း မြှင့်တင်ရေးဆိုတဲ့ ကိစ္စတရပ်ကိုလည်း မလွဲမသွေထည့်သွင်း ဖြေရှင်းကြရဦးမှာ ဖြစ်ပါတယ်။

22 July 2008/VOA

မစ္စတာဂမ်ဘာရီ ရှေ့လထဲ မြန်မာနိုင်ငံသွားရန် စီစဉ်

ကုလသမဂ္ဂ အထွေထွေအတွင်းရေးမှူးချုပ်ရဲ့မြန်မာနိုင်ငံဆိုင်ရာ အထူးကိုယ်စားလှယ်အီဘရာဟင်မ် ဂမ်ဘာရီ (Ibrahim Gambari)ဟာ ရှေ့လ၊ သြဂုတ်လမှာ မြန်မာနိုင်ငံဆီကိုသွားဖို့ စီစဉ်နေတယ်လို့ ကုလသမဂ္ဂကပြောကြားခဲ့ပါတယ်။ မစ္စတာဂမ်ဘာရီဟာမြန်မာနိုင်ငံကို မေလတုန်းကသွားဖို့ အစီအစဉ် ရှိခဲ့ပေမယ့် နာဂစ်ဆိုင်ကလုန်းမုန်တိုင်းကြောင့်ခရီးစဉ်ကို ရွှေ့ဆိုင်းခဲ့ပြီး အခုတော့မြန်မာအစိုးရဆီက ဖိတ်ခေါ်စာကို ရရှိတဲ့အကြောင်း ကုလသမဂ္ဂက ထုတ်ဖော်ပြောကြားခဲ့တာ ဖြစ်ပါတယ်။ ဒီတခါ မစ္စတာဂမ်ဘာရီ မြန်မာနိုင်ငံကိုသွားတဲ့အခါ မြန်မာနိုင်ငံ ဒီမိုကရေစီရရှိရေးအတွက် ဘယ်လိုတွန်းအားတွေပေးဖို့ အစီအစဉ်ရှိပါသလဲ၊မစ္စတာဂမ်ဘာရီရဲ့ ပြောခွင့်ရသူကို ဆက်သွယ်မေးမြန်းပြီး မစုမြတ်မွန်က တင်ပြပေးထားပါတယ်။မြန်မာစစ်အစိုးရက မစ္စတာဂမ်ဘာရီကို သြဂုတ်လလယ်ထဲမှာ မြန်မာနိုင်ငံကိုလာရောက်နိုင်ကြောင်း ဖိတ်ခေါ်စာကို ကုလသမဂ္ဂက ရရှိခဲ့တယ်ဆိုတာကို ကုလသမဂ္ဂရုံး ပြောခွင့်ရသူက ပြောကြားခဲ့ပါတယ်။
မြန်မာနိုင်ငံမှာ အမျိုးသားပြန်လည်သင့်မြတ်ရေး၊ ဒီမိုကရေစီရရှိရေးတို့အတွက် ကုလသမဂ္ဂ အတွင်းရေးမှူးချုပ်ရဲ့ တာဝန်ပေးမှုအရ မစ္စတာဂမ်ဘာရီဟာ မြန်မာနိုင်ငံကိုသွားနေတာဖြစ်ပါတယ်။ မတ်လတုန်းက မြန်မာနိုင်ငံကို နောက်ဆုံးသွားခဲ့တဲ့ မစ္စတာဂမ်ဘာရီဟာ မေလထဲမှာ မြန်မာနိုင်ငံကိုပြန်သွားဖို့ စီစဉ်ထားခဲ့ပေမယ့် နာဂစ်တိုင်းကြောင့် ခရီးစဉ်ကို ရွှေ့ဆိုင်းထားခဲ့ရပြီး အခု စစ်အစိုးရရဲ့ ဖိတ်ခေါ်စာကြောင့် ဘယ်နေ့လောက် မြန်မာနိုင်ငံကို သွားမှာလဲလို့ မစ္စတာဂမ်ဘာရီရဲ့ ပြောရေးဆိုခွင့်ရှိသူ ဟွာဂျန်းကို ဗွီအိုအေက မေးကြည့်ပါတယ်။
“ကုလသမဂ္ဂ အတွင်းရေးမှူးချုပ်ကိုယ်စား မစ္စတာဂမ်ဘာရီဟာ မြန်မာနိုင်ငံကိုသွားဖို့မျှော်လင့်နေပါတယ်။ ဒါပေမယ့် ဘယ်နေ့ အတိအကျသွားမလဲ၊ ဒီခရီးစဉ်မှာ ဘာတွေကိုအဓိကထား ဆွေးနွေးမလဲဆိုတဲ့ ခရီးစဉ်အစီအစဉ် အသေးစိတ်ကိုတော့ စစ်အစိုးရနဲ့ကုလသမဂ္ဂကြားမှာ ဆွေးနွေးနေဆဲပါ။”
နောက်ဆုံးတခေါက် မစ္စတာဂမ်ဘာရီ မြန်မာနိုင်ငံက ပြန်လာပြီးကတည်းက မြန်မာနိုင်ငံမှာ ဒီမိုကရေစီစနစ်ဆီ ဦးတည်တဲ့ လက်တွေ့ကျတဲ့ နိုင်ငံရေးပြောင်းလဲမှုတွေမရှိဘူးလို့ အကဲခတ်တွေက ဝေဖန်နေကြပါတယ်။ ဒီမိုကရေစီခေါင်းဆောင်ဒေါ်အောင်ဆန်းစုကြည်နဲ့ စစ်အစိုးရခေါင်းဆောင်တွေကြားမှာ ဆွေးနွေးမှုတွေလည်းမရှိတဲ့အတွက် ဒီတခါ မစ္စတာဂမ်ဘာရီ မြန်မာနိုင်ငံကိုသွားရင် နိုင်ငံရေးအခြေအနေတိုးတက်ဖို့ ဘယ်လိုတွန်းအားပေးနိုင်မလဲလို့ မစ္စတာဂမ်ဘာရီရဲ့ ပြောခွင့်ရသူကိုမေးကြည့်တော့ …
“မြန်မာနိုင်ငံရဲ့ နိုင်ငံရေးဖြစ်စဉ်အတွက် သက်ဆိုင်သူအားလုံး တွေ့ဆုံဆွေးနွေးလာဖို့တွန်းအားပေးရေးဟာ မစ္စတာဂမ်ဘာရီလုပ်ရမယ့် တာဝန်တရပ်ဖြစ်ပါတယ်။ မြန်မာနိုင်ငံကို မစ္စတာဂမ်ဘာရီ ရောက်တဲ့အခါမှာ တာဝန်ရှိသူတွေနဲ့ ဆွေးနွေးရင် ဒီကိစ္စကိုလည်း ထည့်ပြီးဆွေးနွေးပါလိမ့်မယ်။” လို့ ပြောသွားပါတယ်။
နောက်ဆုံးတခေါက် ခရီးစဉ်အတွင်းမှာ ဗိုလ်ချုပ်မှူးကြီးသန်းရွှေနဲ့ မစ္စတာဂမ်ဘာရီတွေ့ဆုံခွင့်မရခဲ့ပါဘူး။ နောက်ပြီး မစ္စတာဂမ်ဘာရီကိုယ်တိုင်က သူ့ရဲ့ခရီးစဉ်အပေါ်စိတ်ပျက်မိတယ်လို့ ပြောခဲ့ပါတယ်။ အခုတခေါက်ခရီးစဉ်မှာရော ရလဒ်ကောင်းတွေရလာဖို့ မျှော်လင့်နိုင်ပါ့မလားလို့ မေးတဲ့အခါမှာတော့ မစ္စဟွာဂျမ်းက …
“လုပ်ငန်းစဉ်တရပ်ကို ဆောင်ရွက်နေတယ်ဆိုတာကို မစ္စတာဂမ်ဘာရီက ဟိုးအစကတည်းက ပြောထားပြီးသားပါ။ ကုလသမဂ္ဂ အထွေထွေညီလာခံက ပေးထားတဲ့လုပ်ပိုင်ခွင့်နဲ့ ဆောင်ရွက်နေတဲ့ မစ္စတာဂမ်ဘာရီနဲ့ စစ်အစိုးရတို့ရဲ့ နှစ်ဖက် ဆက်လက်အားထုတ်မှုပေါ်မှာ မူတည်ပါတယ်။ ဆက်ပြီး တိုင်ပင်ဆွေးနွေးမှုတွေ လုပ်ရာကနေမြန်မာနိုင်ငံ တိုးတက်မှုတွေ တဖြည်းဖြည်းရလာမယ်လို့ မစ္စတာဂမ်ဘာရီက မျှော်လင့်ပါတယ်။”
ဒီခရီးစဉ်အတွင်းမှာ ဒေါ်အောင်ဆန်းစုကြည်နဲ့ တွေ့ဆုံနိုင်ဖို့ကိုလည်း မျှော်လင့်နေကြောင်း မစ္စတာဂမ်ဘာရီရဲ့ ပြောရေးဆိုခွင့်ရှိသူ မစ္စဟွာဂျမ်း ပြောသွားတာ ဖြစ်ပါတယ်။
မြန်မာနိုင်ငံမှာ ၂၀၀၇ စက်တင်ဘာလက ရဟန်းသံဃာတွေဦးဆောင်တဲ့ ဆန္ဒပြမှုတွေကို စစ်အစိုးရက အကြမ်းဖက်နှိမ်နှင်းခဲ့ပြီးတဲ့နောက် နိုင်ငံတကာရဲ့ ဖိအားကြောင့်မစ္စတာဂမ်ဘာရီဟာ မြန်မာနိုင်ငံကို ၃ ကြိမ် သွားရောက်နိုင်ခဲ့ပါတယ်။ မကြာခင်ကဂျပန်နိုင်ငံမှာလုပ်ခဲ့တဲ့ စက်မှုအင်အားကြီး ၈ နိုင်ငံရဲ့ ထိပ်သီးညီလာခံမှာ G-8 နိုင်ငံခြားရေးဝန်ကြီးတွေက မြန်မာနိုင်ငံမှာ တရားမျှတပြီး ဒီမိုကရေစီစနစ်ကျတဲ့ အရပ်သားအစိုးရ ငြိမ်းငြိမ်းချမ်းချမ်း ပေါ်ပေါက်လာရေးအတွက် မြန်မာစစ်အစိုးရကဆောင်ရွက်ဖို့နဲ့ မစ္စတာဂမ်ဘာရီနဲ့ အပြည့်အ၀ ပူးပေါင်းဆောင်ရွက်ဖို့ ကြေညာချက်ထုတ်ပြီး တိုက်တွန်းခဲ့ကြပါတယ်။

16 July 2008/VOA